52. fundur skipulagsnefndar haldinn í bæjarstjórnarsal, mánudaginn 18. febrúar 2019 og hófst hann kl. 16:00.
Fundinn sátu: Guðmundur L. Pálsson, formaður, Ólafur Már Guðmundsson, aðalmaður, Anton Kristinn Guðmundsson, aðalmaður, Lilja Ósk Sigmarsdóttir, aðalmaður, Gunnar Már Gunnarsson, aðalmaður og Alma Dögg Einarsdóttir, varamaður sem áheyrnarfulltrúi.
Fundargerð ritaði: Sigurður Ólafsson, sviðsstjóri skipulags- og umhverfissviðs.
Dagskrá:
1. Umferðaröryggisáætlun: Aðkoma um Grindavíkurveg - 1503075
Skipulagsnefnd er ánægð með að Vegagerðin vill fara í framkvæmd á undirgöngum við Grindavíkurveg rétt norðan Suðurhóps. Nefndin felur sviðsstjóra skipulags- og umhverfissviðs að vinna fjárhagsáætlun við stígagerð að göngunum. Nefndin leggur til við bæjarstjórn að samþykkt verði að fara í framkvæmdina.
Skipulagsnefnd skorar á bæjarstjórn að skipa nýja umferðaröryggisnefnd.
2. Umferðaröryggi er okkar mál! - Niðurstöður málþings og þakkir - 1812015
Skipulagsnefnd lýsir yfir ánægju sinni með þetta flotta framtak hjá ungmennaráði.
3. Sjóvarnir í Grindavík 2019 - Umsókn um framkvæmdaleyfi - 1902014
Framkvæmdin er á núverandi aðalskipulagi og sviðsstjóra skipulags- og umhverfissviðs er falið að gefa út framkvæmdaleyfi.
4. Baðsvellir 13 - Umsókn um byggingarleyfi - 1902015
Skipulagsnefnd samþykkir byggingaráformin. Framkvæmdin hefur verið grenndarkynnt. Byggingarfulltrúi gefur út byggingarleyfi þegar öll hönnunargögn hafa verið samþykkt.
5. Umsókn um framkvæmdaleyfi - 1902035
Skipulagsnefnd samþykkir áformin um boranir m.t.t. samþykki Orkustofnunar og gildandi deiliskipulags. Sviðsstjóri skipulags- og umhverfissviðs gefur út framkvæmdaleyfi.
Fleira ekki gert. Fundi slitið kl. 17:00.