33. fundur umhverfis- og ferðamálanefndar haldinn í bæjarstjórnarsal, 30. January 2019 og hófst hann kl. 16:15.
Fundinn sátu: Sigurveig Margrét Önundardóttir, formaður, Klara Bjarnadóttir, aðalmaður, Teresa Björnsdóttir (TB) var fjarverandi en í staðinn sat fundinn Margrét Kristín Pétursdóttir, varamaður, Sigríður Etna Marinósdóttir, aðalmaður, Unnar Á Magnússon, aðalmaður.
Fundargerð ritaði: Kristín María Birgisdóttir, upplýsinga- og markaðsfulltrúi.
Dagskrá:
1. Útsýnispallur við Grindavíkurhöfn - 1810057
Nefndin fór yfir fyrstu hugmyndir að útsýnispalli og varanlegu sviði við Kvikuna. Nefndinni list vel á frumdrögin en íhugar þann möguleika að færa útsýnispallinn yfir á þak sviðsins og hann yrði á afmörkuðu svæði þar. Gott væri að taka saman hvað er til í eigu bæjarins til að nýta þegar sviðið er í notkun, s.s. ljósabúnað og hljóðkerfi.
2. Sjómannagarður: útikennslusvæði. - 1608002
Óskað var eftir upplýsingum frá sviðsstjóra félagsþjónustu- og fræðslusviðs um notkun útikennslusvæðisins en því jafnframt vísað til umhverfis- og ferðamálanefndar. Það er jákvætt að svæðið sé til umfjöllunar og að áhugi sé fyrir nýtingunni. Þau gögn sem óskað er eftir er ekki á hendi nefndarinnar.
Nefndin veltir því fyrir sér hvort ráð sé að fá fleiri aðila til þátttöku í uppbyggingu svæðisins, t.d. Skógræktarfélag Grindavíkur.
3. Samráðsfundir við ferðaþjónustuna 2019 - 1901041
Lögð fram fundargerð frá fyrsta samráðsfundi ferðaþjónustunnar með Grindavíkurbæ. Nefndin fagnar því að komnir séu á reglulegir samráðsfundir við ferðaþjónustuna.
Fleira ekki gert. Fundi slitið kl. 17:25.