Bóndadagurinn var að vanda haldinn hátíðlegur í Hópsskóla með því að börnunum var boðið upp á þorrasmakk í hádeginu. Búið var að búa skreyta hluta matsalarins á þjóðlegan máta, ýmsir hlutir frá því "í gamla daga" eins og börnin segja gjarnan, voru til sýnis á borði og svo gátu börnin fengið sér að smakka, hákarl, súran hval, hrútspunga, súra lifrarpylsu, sviðasultu, hangiket, harðfisk og flatkökur. Þetta féll í góðan jarðveg og þótti börnunum maturinn vera forvitnilegur þótt það ekki væru margir sem þorðu að smakka hákarlinn og hvalinn. Á eftir var grjónagrautur og slátur í matinn og þá tóku þau vel til matar sín.