Hin árlega menningarvika okkar Grindvíkinga fer fram í ellefta sinn dagana 9.-17. mars 2019. Grindvíkingar, fyrirtæki, stofnanir, þjónustuaðilar og allir þeir sem hafa áhuga á menningu eru hvattir til þess að skipuleggja menningarviðburði í þessari skemmtilegu viku.
Uppistaðan í dagskrá Menningarviku verður framlag heimamanna auk þess sem landsþekktir listamenn og skemmtikraftar sækja Grindavík heim. Allir leggjast á eitt við að bjóða uppá fjölbreytta og skemmtilega dagskrá.
Dagskrá Menningarvikunnar verður dreift í öll hús í byrjun mars. Til þess að komast á dagskrá þarf að senda upplýsingar um viðburðinn á eggert@grindavik.is, í síðasta lagi 10. febrúar nk.