Kristín Helga höfundur Fíusól bókanna heimsótti Hópsskóla

  • Grunnskólafréttir
  • 6. desember 2018
Kristín Helga höfundur Fíusól bókanna heimsótti Hópsskóla

Kristín Helga Gunnarsdóttir rithöfundur heimsótti Hópsskóla í morgun og spjallaði við nemendur í 1.-3. bekk.  Hún sagði börnunum frá nýjustu bókinni sinni um Fíusól og voru allir ótrúlega ánægðir með heimsóknina því Kristín Helga er mjög skemmtileg og náði einstaklega vel til krakkana.  
Kristín Helga Gunnarsdóttir er íslenskur rithöfundur, sem hefur skrifað fjölda barna- og fjölskyldubóka.  Fyrsta bók hennar kom út árið 1997, Elsku besta Binna mín. Ári seinna kom út framhald af þeirri bók Bíttu á jaxlinn Binna mín.  Fyrsta Fíusól bókin, Fíasól í fínum málum kom út 2004 og síðan gaf hún út fimm Fíusól bækur í viðbót.  Eftir nokkur hlé kom svo sjöunda Fíusól bókin, Fíasól gefst aldrei upp, út á þessu ári. Nú er Fíasól orðin tíu ára og kraftmeiri en nokkru sinni fyrr. Bókin er fyrir alla sem hafa áhuga á börnum segir Fíasól. "Hún  er fyrir barnalega fullorðna og fullorðinsleg börn. Hún er um sterka stráka og kraftastelpur. Þetta er bók fyrir alla krakka af því að strákar og stelpur eiga heiminn saman.“
Kristín Helga Gunnarsdóttir er margverðlaunaður fjölskyldubókahöfundur og Fíusólarbækurnar hafa þrívegis hlotið Bókaverðlaun barnanna. Halldór Baldursson teiknaði myndirnar í bókunu. 
Bókin um Fíusól er einnig til sem hljóðbók.  Hljóðbókin er streymishljóðbók (Streymi) sem er afhent rafrænt og hægt er að hlusta á beint í gegnum app Forlagsins eða vafra. Hér má lesa meira um hljóðbækur í streymi.
 

 


Deildu ţessari frétt