77. fundur frístunda- og menningarnefndar haldinn í bæjarstjórnarsal,  13. nóvember 2018 og hófst hann kl. 17:00.

Fundinn sátu:
Jóna Rut Jónsdóttir, formaður, Garðar Alfreðsson, aðalmaður, Þórunn Erlingsdóttir, aðalmaður, Bjarni Þórarinn Hallfreðsson, aðalmaður, Sigurður Enoksson, aðalmaður, Bjarni Már Svavarsson, áheyrnarfulltrúi og Eggert Sólberg Jónsson, sviðsstjóri félagsþjónustu- og fræðslusviðs. 

Fundargerð ritaði:  Eggert Sólberg Jónsson, Sviðsstjóri frístunda- og menningarsviðs.

Dagskrá:

1.     Íþróttamaður og íþróttakona ársins 2018 - 1811001
    Verklagsreglur vegna kjörs á íþróttamanni og íþróttakonu Grindavíkur. Viðurkenningar fyrir íþróttamann og íþróttakonu ársins 2018 verða veittar í Gjánni 31. desember nk. Tilnefningar skulu hafa borist sviðsstjóra frístunda- og menningarsviðs Grindavíkur fyrir 15. desember. Valnefnd mun funda þriðjudaginn 18. desember. 
        
2.     Frístunda- og menningarsvið - Fjárhagsáætlun 2019 - 1811003
    Fjárhagsáæltun fyrir frístunda- og menningarsvið vegna ársins 2019 lögð fram til kynningar. 
        
3.     Tendrun jólatrés 2018 - 1810065
    Kveikt verður á jólatré fyrir framan Íþróttamiðstöðina laugardaginn 1. desember. Grindvíkingar eru hvattir til að fjölmenna. 
        
4.     Þrettándagleði 2019 - 1811002
    Rætt um fyrirkomulag hátíðahalda vegna þrettándans 2019. 
        
5.     Útsýnispallur - Grindavíkurhöfn - 1810057
    Lagðar fram tvær hugmyndir að útsýnispalli við Kvíabryggju. Frístunda- og menningarnefnd hugnast frekar sú tillaga að samnýta svið og útsýnispall við Kvikuna. Mikilvægt er að hönnun taki mið af því umhverfi sem fyrir er á svæðinu. Nefndin óskar eftir því að fylgjast með framvindu málsins. 
        
6.     Gönguleið um sjávartengdar minjar - 1810058
    Lagt fram minnisblað um gönguleið um sjávartengdar minjar í Grindavík. Sviðsstjóra frístunda- og menningarsviðs falið að sækja um styrk í Uppbyggingarsjóð Suðurnesja til að þróa hugmyndina á árinu 2019.
        
7.     Verndarsvæði í byggð: Þórkötlustaðahverfi - 1704021
    Lagt er til að Þórkötlustaðahverfi verði verndarsvæði í byggð samkvæmt lögum nr. 87/2015. Drög að verndaráætlun lögð fram. Frístunda- og menningarnefnd fagnar ítarlegri skýrslu og leggur til við bæjarstjórn að áætlunin verði samþykkt. 
        

Fleira ekki gert. Fundi slitið kl. 19:00.
 

• Síðast uppfært: 19. nóvember 2018