Dagur íslenskrar tungu

  • Grunnskólafréttir
  • 17. nóvember 2018
Dagur íslenskrar tungu

16.nóvember á hverju ári er tileinkaður íslenskri tungu en það er einmitt fæðingardagur Jónasar Hallgrímssonar. Af því tilefni undirbjuggu nemendur í 6.bekk dagskrá og buðu nemendum á miðstigi á sal eftir hádegi í dag til að fylgjast með.

Nemendur lásu ljóð eftir Þórarinn Eldjárn auk þess sem boðið var upp á tónlistaratriði. Í lok dagskrár sungu nemendur síðan "Íslenskuljóðið" sem margir kannast við en ljóðið við það lag er einmitt eftir Þórarin.

Óhætt er að segja að nemendur hafi staðið sig með stakri prýði en þau höfðu nýtt vikuna vel í undirbúning og afraksturinn í dag var góður.

Hér fyrir neðan má sjá myndir frá viðburðinum í dag.








Deildu ţessari frétt