Það gengu aldeilis glimrandi vel brunaæfingarnar í grunnskólanum í morgun, fyrst á Ásabrautinni og síðan í Hópsskóla. Vel gekk að koma börnunum út og á þá staði sem þeim var ætlað að vera og starfsfólkið var með aðgerðaráætlunina á hreinu. Öll börnin biðu stillt og prúð í sínum röðum á sparkvöllunum þangað til Ási slökkvistjóri gaf þeim merki um að þau mættu fara og skoða slökkvibílinn. Veðrið var stillt og fallegt en ansi kalt. Meðfylgjandi eru myndir sem teknar voru í Hópsskóla. Fleiri myndir má sjá á Facebook síðu skólans hér.