Evrópski tungumáladagurinn var í dag 26. september en haldið hefur verið upp á hann frá árinu 2001. Þennan dag er lögð áhersla á fjölbreytni tungumála í Evrópu og mikilvægi tungumálanáms og er hann haldinn hátíðlegur meðal 45 Evrópuþjóða. Markmiðin eru m.a. að gera almenningi ljóst mikilvægi tungumálanáms, auka fjölbreytileika þeirra tungumála sem lögð er stund á og vekja almenna athygli á tilveru og gildi allra þeirra tungumála sem töluð eru í Evrópu.
Í 3. bekk í Hópsskóla var ýmislegt skemmtilegt gert í tilefni dagsins. Settar voru upp stöðvar og 5 tungumál kynnt. Þetta voru enska, danska, pólska, íslenska og spænska.
Sumar stöðvarnar voru aðallega með leik og tónlist en á öðrum stöðvum voru bóka og spilakynningar. Krökkunum fannst þetta skemmtilegt og voru mjög áhugasöm.
Það kom ansi skrýtin svipur á marga foreldra þegar þau komu að sækja börnin og þá var bara töluð við þau spænska eða danska. Skemmtilegt framtak hjá kennurunum. Fleiri myndir eru á Facebook síðu skólans, hér.