Litlar líkur eru á að útgerðarfyrirtækið Vísir geri út á túnfisk þetta árið líkt og gert hefur verið nokkuð reglulega undanfarin haust. Þetta kemur fram á mbl.is en í samtali við Morgunblaðið segir Pétur H. Pálsson, framkvæmdastjóri Vísis, að fátt bendi til þess að túnfiskur muni veiðast á norðlægum slóðum þetta haustið.
Ólíklegt að farið verði á túnfisk
„Ólíklegt er að Vísir hf. í Grindavík geri út á túnfiskveiðar í haust, en skipið fékk leyfi til veiðanna frá sjávarútvegsráðuneytinu í sumar.
Að sögn Péturs H. Pálssonar framkvæmdastjóra hefur gögnum verið safnað um göngur túnfisks á norðlægar slóðir og að hans sögn gefa þau ekki ástæðu til að fara til túnfiskveiða.
Þá hefur ekkert verið skráð um að túnfiskur hafi fengist sem meðafli á makrílveiðum íslenskra skipa í sumar, eins og gerst hefur undanfarin ár“