77. fundur Fræðslunefndar haldinn í bæjarstjórnarsal, mánudaginn 13. ágúst 2018 og hófst hann kl. 17:00.
Fundinn sátu:
Guðmundur Grétar Karlsson formaður, Jóhanna Sævarsdóttir aðalmaður, Eva Björg Sigurðardóttir varamaður, Sævar Þór Birgisson varamaður, Rebekka Rós Reynisdóttir áheyrnarfulltrúi foreldra í grunnskóla, Fríða Egilsdóttir leikskólastjóri og Guðbjörg Málfríður Sveinsdóttir grunnskólastjóri.
Fundargerð ritaði: Ingibjörg María Guðmundsdóttir, Yfirsálfræðingur.
Dagskrá:
1. Leikskólinn Laut: Eftirlitsskýrsla frá HES - 1712004
Nökkvi Már Jónsson sviðsstjóri gerði grein fyrir stöðu mála eftir úttekt á Garðhúsum á leikskólanum Laut.
2. Skólahúsnæði: Hönnun og framkvæmdir - 1802069
Nökkvi Már Jónsson gerði grein fyrir stöðu mála í hönnun og framkvæmdum skólahúsnæðis. Fræðslunefnd leggur til við bæjarráð að skipuð verði byggingarnefnd um viðbyggingu við Hópsskóla og að fagfólk skólans verði með í ráðum. Uppbygging leikskólahúsnæðis til framtíðar verður á dagskrá næsta fundar fræðslunefndar.
3. Fundartími og störf fræðslunefndar - 1808020
Fræðslunefnd samþykkir fasta fundartíma fyrsta fimmtudag í mánuði kl. 16:30.
4. Hvatningarverðlaun fræðslunefndar - 1711009
Samþykkt að veita verðlaunin 5. september og bjóða til hennar. Fræðslunefnd felur starfsmanni að setja saman dagskrá að athöfninni og boða til hennar.
5. Grunnskólamál: skóladagatal 2018-2019 - 1804012
Formaður fræðslunefndar gerði grein fyrir samþykkt skóladagatals þar sem nemendadagur er á uppstigningardegi og er hugsuð sem vorhátíð fjölskyldunnar. Lagt fram álit Sambands íslenskra sveitarfélaga um nemendadaga.
Fleira ekki gert. Fundi slitið kl. 18:45.