Framkvæmdir á fullu í fasteignum bæjarins

• Fréttir
• 27. júlí 2018

Þrátt fyrir að margar stofnanir bæjarins séu nú lokaðar yfir hásumarið og stór hluti starfsmanna í sumarfríi er nóg um að vera í þeim öllum þessa dagana. Viðhaldsvinna og framkvæmdir eru á fullu, en sumarfríin eru oftar en ekki eini tíminn þar sem hægt er að sinna nauðsynlegu viðhaldi mörgum af þeim fjölmörgu byggingum sem Grindavíkurbær á. Það er því í mörg horn að líta fyrir Sigurð Rúnar Karlsson, umsjónarmann fasteigna hjá bænum, en hann smellti af nokkrum myndum fyrir okkur í vikunni sem veita áhugaverða innsýn í þá vinnu sem fer fram á bakvið tjöldin þessa dagana. 

Víða er unnið í kapphlaupi við tímann enda styttist í að skólarnir opni á ný og þá hefur ekki alltaf viðrað nógu vel til að sinna vinnu utandyra. Iðnaðarmennirnir hafa því orðið að sæta lagi en sumarið lét loksins sjá sig í vikunni og þá fór allt á fullt. 

Nemó og Sævar í fyrirbyggjandi aðgerðum gegn holumyndum á leikskólanum Laut

Klæðningin utan á Hópsskóla hefur látið á sjá

Það er mikilvægt að hafa öfluga aðstoðarmenn þegar unnið er í viðhaldsvinnu

Í íþróttahúsinu er verið að endurnýja lýsinguna og setja upp LED ljós

Gamli salurinn tengdur saman við þann nýja með tryggðarböndum

Nýi salurinn rýkur upp, en verklok eru áætluð næsta haust

Grétar málar í Laut

Viðar málar á Króki, í uppáhalds peysunni sinni

Anddyrið í Iðunni lagað

• Síðast uppfært: 27. júlí 2018