Sophie O'Rourke í Grindavík

  • Knattspyrna
  • 25. júlí 2018
Sophie O'Rourke í Grindavík

Grindavík hefur fengið liðsstyrk fyrir lokasprettinn í Pepsi-deild kvenna, en Sophie O'Rourke hefur skrifað undir samning við liðið. Sophie er 19 ára kantmaður frá Englandi, en hún hefur leikið með Reading í heimalandi sínu. Sophie greindi sjálf frá félagaskiptunum á Twitter.

Koma Sophie til Grindavíkur er eflaust kærkomin á þessum tímapunkti en þrír leikmenn eru nú að yfirgefa liðið, þær Elena Brynjarsdóttir, Elísabet Ósk Gunnþórsdóttir og Dagbjört Ína Guðjónsdóttir. Þá gekk hin brasilíska Rilany Da Silva til liðs við Atletico Madrid á dögunum, svo það hefur kvarnast aðeins úr hópnum.


Deildu ţessari frétt