4. fundur í Öldungaráði Grindavíkurbæjar, miðvikudaginn 11. júlí 2018, kl.17, í Miðgarði.
Mættir voru aðalstjórnarmenn, þau Margrét Gísladóttir formaður, Helgi Einarsson og Hallfríður Hólmgrímsdóttir, að auki voru mættir bæjarstjóri, Fannar Jónasson og viðtakandi formaður ráðsins, Sigurður Ágústsson.
1. Fundur settur – Margrét setti fundinn og bauð Hallfríði og Sigurð velkomin í ráðið.
2. Formannaskipti – Margrét kynnti Sigurð Ágústsson sem formannsefni og fékk hann stuðning allra stjórnarmanna í starfið.
3. Önnur mál –
a. Fannar Jónasson kynnti ný og breytt lög um félagsþjónustu sveitarfélaga sem taka eiga gildi þann 1. október 2018. Þar er helst til að taka að öldungaráðin munu taka við því hlutverki sem þjónustuhópar aldraðra hafa fram til þessa sinnt. Vægi ráðsins verður annað og meira innan stjórnsýslunnar og verður skipað sjö fulltrúum í stað þriggja. Félag eldri borgara í Grindavík tilnefnir þrjá fulltrúa, Grindavíkurbær þrjá fulltrúa og einn fulltrúi kemur frá Heilsugæslunni. Erindisbréf ráðsins tekur því breytingum miðað við þessi nýju lög og mun sviðsstjóri félagsmála annast það verk.
b. Rætt um breytingarnar á ráðinu, ný verkefni og hugmyndir um félagsheimili m.a.
4. Fundi slitið kl. 18.
Fundargerð ritaði Margrét Gísladóttir, fráfarandi formaður