Grindvíkingar einir á toppi Pepsi-deildarinnar eftir 2-1 sigur á Fylki

  • Knattspyrna
  • 5. júní 2018
Grindvíkingar einir á toppi Pepsi-deildarinnar eftir 2-1 sigur á Fylki

Grindvíkingar sitja einir á toppi Pepsi-deildar karla með 14 stig eftir góðan þolinmæðis 2-1 sigur á Fylki í gær. Gestirnir komust yfir snemma í leiknum eftir nokkurn sofandahátt í vörn Grindavíkur og eftir það var leikurinn ansi dragðdaufur alveg fram að hléi. Eitthvað hefur Óli Stefán sagt uppbyggilegt við sína menn í klefanum í hálfleik því það var eins og allt annað og ákveðnara lið mætti til leiks í seinni hálfleik. 

Pressan á mark Fylkismanna var mikil og á köflum komust þeir varla útúr eigin vítateig, slíkan var pressan. Hún bar loks árangur á 62. mínútu þegar Grindvíkingar fengu augljóst víti þegar Aron Jóhannsson var straujaður niður í teignum. Varnartröllið Björn Berg Bryde steig á punktinn og skoraði örugglega úr spyrnunni, og færist nær 20 marka markmiði sumarsins, en þetta var hans annað mark í sumar. 

Þrátt fyrir mörg ágæt færi var það ekki fyrr en á 88. mínútu sem Grindavík innsiglaði sigurinn. Aron Snær Friðriksson, markvörður Fylkismanna, hafði haldið þeim á lífi svo til allan leikinn en hann mátti sín lítils gegn þrumuskoti Will Daniels sem smaug í gegnum þvögu af leikmönnum og endaði í fjærhorninu.

Úrslitin þýða að Grindavík er eitt á topp deildarinnar með 14 stig en jafntefli hefði þýtt að þrjú lið hefðu deilt efstu 3 sætunum með 12 stig. Næsti leikur Grindavíkur er svo heimaleikur gegn Breiðabliki á laugardaginn, en Breiðablik er í 4. sæti deildarinnar með 11 stig, og verður það eflaust hörkuleikur.

Umfjöllun Fótbolta.net um leikinn

Viðtal við Óla Stefán, þjálfara

Viðtal við Gunnar Þorsteinsson, fyrirliða

Deildu ţessari frétt

AĐRAR FRÉTTIR

Fréttir / 20. júní 2018

Matseđill nćstu viku í Víđihlíđ

Grunnskólafréttir / 18. júní 2018

Gleđilegt sumar

Íţróttafréttir / 18. júní 2018

Grindin býđur á völlinn annađ kvöld

Grunnskólafréttir / 18. júní 2018

Atvinna - Húsvörđur viđ Grunnskóla Grindavíkur

Bókasafnsfréttir / 12. júní 2018

Sumarlestur bókasafnsins

Íţróttafréttir / 11. júní 2018

Blikar tóku öll stigin í rigningunni í Grindavík

Sjóarinn síkáti / 8. júní 2018

Tókst ţú myndir á Sjóaranum síkáta?