Íslandsmeistaramót í ísbađi í sundlaug Grindavíkur 31. maí

  • Sjóarinn síkáti
  • 29. maí 2018
Íslandsmeistaramót í ísbađi í sundlaug Grindavíkur 31. maí

Íslandsmeistaramótið í ísbaði 2018 verður haldið fimmtudaginn 31. maí í Sundlauginni í Grindavík. Hefst keppnin kl 17.30. Þetta er í þriðja sinn sem keppnin er haldin. Sú fyrsta fór fram á Sauðárkróki, önnur í fyrra á Blönduósi og sú þriðja verður haldin hér í Grindavík.

Veitt verða fyrstu, önnur og þriðju verðlaun, þá fá allir þátttakendur vitnisburð um þátttökuna í keppninni. Aldurstakmark er 18 ár, en þeir sem yngri eru fá einnig að spreyta sig á ísbaðinu að keppni lokinni. Hjúkrunarfræðingur verður á staðnum og leitast verður við að gæta fyllsta öryggis. Hitastigið í ískörunum er 0 gráður á celsíus. 

Íslandsmetið nú á Vilhjálmur Andri Einarsson, 20 mínútur. Benedikt S. Lafleur lenti í öðru sæti, dvaldi 17 mínútur í ískarinu, en einnig er vitað til þess að menn hafi dvalið í rúmlega hálftíma í sambærilegum ískörum í Grindavík, þó ekki í formlegu ísbaðsmóti sem þessu. Nú fá grindvísk heljarmenni tækifæri til að fá sinn árangur formlega skráðan í sögubækurnar.

Tilgangur keppninnar er fyrst og fremst að vekja athygli á heilsugildi kaldra baða. Skipuleggjandi og stofnandi keppninnar er Benedikt S. Lafleur. Benedikt hefur stundað rannsóknir á áhrifum kaldra baða, einkum sjávarbaða á líðan og heilsu fólks og varði 90 eininga meistararitgerð um það efni í ferðamálafræðum í Háskólanum á Hólum 2016.

Benedikt heldur kynningu á rannsóknum sínum og Ísbaðskeppninni á þri, í dag, kl 17.15, í anddyri Sundlaugarinnar í Grindavík. Boðið verður up á kaffi og kleinur. Allir velkomnir.
 


Deildu ţessari frétt

AĐRAR FRÉTTIR

Fréttir / 20. júní 2019

Selskógur: Líf í lundi

Fréttir / 19. júní 2019

Árleg Jónsmessuganga á laugardaginn

Fréttir / 13. júní 2019

Kvennahlaup ÍSÍ laugardaginn 15. júní

Fréttir / 13. júní 2019

Reiđnámskeiđ Arctic Horses

Fréttir / 13. júní 2019

Gul vesti um allan bć

Fréttir / 12. júní 2019

Vinningshafar í hurđaleik

Fréttir / 11. júní 2019

Fjallkonur í Grindavík

Fréttir / 11. júní 2019

Veđur til ađ fara í ratleik

Fréttir / 11. júní 2019

Dregiđ í hurđaleiknum á morgun!

Fréttir / 7. júní 2019

Međalhrađaeftirlit ekki byrjađ

Fréttir / 7. júní 2019

Hreinsum Krossvík á Reykjanesi á morgun

Fréttir / 7. júní 2019

Grindavík lagđi FH á heimavelli 2-1