73. fundur Frístunda- og menningarnefndar haldinn í bæjarstjórnarsal, mánudaginn 7. maí 2018 og hófst hann kl. 17:00.
Fundinn sátu:
Atli Geir Júlíusson aðalmaður, Sigurður Enoksson aðalmaður, Þórunn Alda Gylfadóttir formaður, Ágústa Inga Sigurgeirsdóttir aðalmaður, Anita Björk Sveinsdóttir aðalmaður, Björg Erlingsdóttir sviðsstjóri frístunda- og menningarsviðs og Bjarni Már Svavarsson áheyrnarfulltrúi.
Fundargerð ritaði: Björg Erlingsdóttir, Sviðsstjóri frístunda- og menningarsviðs.
Dagskrá:
1. 1804030 - Hjólakeppni: umsókn um leyfi
Óskað er aðstöðu að Gjánni og/eða íþróttamiðistöð og að keppendur fái ókeypis í sund. Nefndin felur sviðsstjóra að útfæra þetta nánar í samstarfi við Hjólreiðadeild UMFG og forstöðumann íþróttamannvirkja.
2. 1801027 - Sjóarinn síkáti 2018: verkefnisáætlun
Föstudagur er hefðbundinn að því frátöldu að Bryggjuball færist yfir á laugardagskvöld og dagskráin á laugardagskvöldi hefst kl. 20:00 og lýkur 22:30. Á föstudagskvöldi hefst dagskráqin á skrúðgöngu, hverfin fjölmenna á hátíðarsvæðið þar verður brekkusöngur og hverfin flytja sína atriði.
3. 1805022 - Ungmennafélag Íslands: Hreyfivika 2018
Kynningarfundur var í vikunni og nú hefst vinna við að safna viðburðum og kynna fyrir heimamömmun.
4. 1802006 - Vinnuskólinn: skipulag 2018
Nemendur hefja störf 4. júní og byrjar starfið á kynningarfundi. Flokkstjórar hefja störf uppúr miðjum maí og þeirra bíður mikið starf. Byrjað er að skipuleggja fyrstu dagana og nefndin leggur áherslu á að bærinn verði hreinn og snyrtilegur þegar bæjarhátíðin hefst. Huga þarf að umhverfi tjaldsvæðisins.
5. 1804073 - Víðavangshlaup 2018: 12. maí
Víðavangshlaupið verður laugardaginn 12. maí og undirbúningur er langt kominn. GG knattspyrnufélag aðstoðar við framkvæmdina og gæslu, og foreldar eru einnig í gæslu.
6. 1804072 - Ungmennaráð: Umferðaröryggi okkar mál
Áætlun hefur verið gerð og sótt um styrk til ERASMUS+. Styrkur frá ERASMUS+ er forsenda þess að hægt sé að halda ráðstefnuna.
7. 1804005 - Gesthús: ósk um tímabundin afnot
Umsækjendur ákváðu að draga umsóknina tilbaka.
8. 1711080 - Gesthús:umsókn til Minjastofnunar 2018
Styrkur fékkst frá Minjastofnun til ástandsskoðunar og áætlunargerðar.
9. 1805026 - Menningarminjar: Skráning og varðveisla minja og muna í eigu Grindavíkurbæjar
Sviðsstjóra falið að kanna hver kostnaður er að aðild að Sarpi og hvernig skráningarmálum getur verið háttað í framtíðinni.
10. 1105025 - Kvikan - auðlinda og menningarhús
Mikil dagsrká verður í Kvikunni í sumar, námskeið fyrir börn og íbúar velkomnir á viðburði sem verða.
11. 1610059 - Grindavíkurbær: Heilsueflandi samfélag
Mikilvægt er að göngustígar séu vel merktir og auglóst sé hvar hestamenn eiga rétt á að vera og hvar gangandi umferð sé. Nefndarmenn benda á að þeim hafi borist kvartanir um að hestamenn fari á malbikaða stíga og að hundaeigendur fari innfyrir hlið í Hópsnesi og sleppi hundum lausum. Ósk er beint til umhverfis- og skipulagssviðs að átak sé gert í merkingu stíga og að skilmerkilega sé gerður munur á þeim stígum sem er fyrir hestamenn og gangandi umferð.
12. 1805021 - Blúshátíð Grindavíkur: ósk um stuðning við Blúshátíð í Grindavík haustið 2018
Málinu er frestað
Fleira ekki gert. Fundi slitið kl. 19:00