Húsakönnun í Þórkötlustaðahverfi - frestur til að skila athugasemdum til 21. mars

• Fréttir
• 20. mars 2018

Þessi misseri er unnið að rannsóknum í Þórkötlustaðahverfi vegna fyrirætlana um verndarsvæði í byggð í hverfinu. Í tengslum við það er unnið að úttektum á bæði húsum og minjum á svæðinu og nú hafa verið gefin út drög að húsakönnun fyrir svæðið. Skýrslan er unnin fyrir Grindavíkurbæ af þeim Elínu Ósk Hreiðarsdóttur fornleifafræðingi og Hjörleifi Stefánssyni arkitek.

Hún verður hluti af því efni sem lagt verður til grundvallar á greiningu og einkennum byggðar á svæðinu í lokaskýrslu um verndarsvæði í byggð í Þórkötlustaðahverfi sem áætlað er að komi út í sumarbyrjun. Áhugasömum gefst nú kostur á að kynna sér húsakönnunina og er hægt að hlaða henni niður af vef bæjarins. Frestur til að gera athugasemdir eða leggja til viðbætur við skýrsluna er til 21. mars næstkomandi. Athugasemdir skal senda til Elínar á netfangið elin@instarch.is

Húsakönnun í Þórkötlustaðahverfi - drög (PDF - 11mb)

• Síðast uppfært: 20. mars 2018