Daníel Freyr Elíasson fyrrum nemandi í Grunnskóla Grindavíkur er þessa dagana í vettvangsnámi ásamt félaga sínum Jens Fog Vedel Laursen og hafa þeir heimsótt nokkra bekki skólans.
Þeir félagar eru nemar í íþróttaakademíu í Kaupmannahöfn. Daníel kynnti fyrir nemendum ýmsa möguleika sem bjóðast ungu fólki í lýðháskólum og eftirskólum í Danmörku og hinum Norðurlöndum. Hann hvatti nemendur til að nýta sér vel grunnnámið því það kæmi sér vel síðar.