Jón Axel og félagar í úrslitin í háskólaboltanum

  • Körfubolti
  • 14. mars 2018
Jón Axel og félagar í úrslitin í háskólaboltanum

Jón Axel Guðmundsson og félagar hans í Davidson háskólanum náðu sögulegum árangri um helgina þegar þeir tryggðu sér sæti í úrslitakeppni bandaríska háskólaboltans. Sætið tryggðu þeir með sigri á Rhode Island í úrslitaleik Atlantic-10 deildarinnar, en lokatölur leiksins urðu 58-57. Jón Axel var einn af þremur leikmönnum liðsins sem lék allar 40 mínúturnar í leiknum og skilaði 9 stigum, 7 fráköstum, 4 stoðsendingum og 2 stolnum boltum.

Úrslitakeppnin gengur undir heitinu "March Madness" sem útleggst á íslensku sem "mars geðveikin". Þar mætast 68 bestu liðin í háskólaboltanum í útsláttarfyrirkomulagi, en fyrsti leikur Davidson er annað kvöld kl. 23:15, þar sem þeir mæta gríðarsterku liði Kentucky skólans. Kentucky skólinn er sigursælasta liðið í sögu NCAA deildarinar og árlega koma fjölmargir sterkir leikmenn inn í NBA deildina frá skólanum. Hægt er að fylgjast með leiknum í gegnum ESPN vefspilarann.

Jón Axel var með góðan stuðning af pöllunum í leikjum helgarinnar en góður hópur fjölskyldu og ættmenna héldu vestur um haf til að fylgjast með leiknum og samkvæmt okkar heimildum framlengdu foreldrar hans dvölina og verða meðal áhorfenda í leiknum á morgun einnig. Við óskum Jóni að sjálfsögðu góðs gengis í leiknum á morgun!

Víkurfréttir tóku skemmtilegt viðtal við Jón Axel eftir sigurleikinn.

ESPN birtu svo þetta myndband til að hita upp fyrir úrslitin, en þar kemur Jón Axel fyrir, enda er kappinn að vekja mikla athygli, bæði fyrir frammistöðu sína á vellinum en líka fyrir nafnið, sem sumir þulir eiga erfitt með að bera fullkomlega fram.

 

Deildu ţessari frétt

AĐRAR FRÉTTIR

Fréttir / 18. september 2018

Vilt ţú eiga forsíđumynd Járngerđar?

Grunnskólafréttir / 16. september 2018

Pysja kemur í heimsókn

Fréttir / 12. september 2018

KK band á Fish house á laugardaginn

Lautafréttir / 12. september 2018

Foreldrafundur ţriđjudaginn 18. september í Lautinni

Fréttir / 7. september 2018

Opiđ sviđ á Fish house í kvöld

Fréttir / 6. september 2018

Matseđill nćstu viku í Víđihlíđ

Grunnskólafréttir / 5. september 2018

Heimilisfrćđi er skemmtileg

Grunnskólafréttir / 5. september 2018

Vegleg gjöf frá Kvenfélagi Grindavíkur

Tónlistaskólafréttir / 5. september 2018

Tónlistarskólinn getur bćtt viđ örfáum nemendum á slagverk!

Bókasafnsfréttir / 4. september 2018

Fjölnotapokar gefins til notenda bókasafnsins