1471. fundur bæjarráðs Grindavíkur haldinn í bæjarstjórnarsal, þriðjudaginn 13. febrúar 2018 og hófst hann kl. 17:00.

Fundinn sátu:
Kristín María Birgisdóttir formaður, Hjálmar Hallgrímsson varaformaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi, Jón Þórisson sviðsstjóri fjármála- og stjórnsýslusviðs og Fannar Jónasson bæjarstjóri.

Fundargerð ritaði:  Jón Þórisson, sviðsstjóri fjármála- og stjórnsýslusviðs.

Dagskrá:

1.     1802023 - Efnistaka í Fiskidalsfjalli: beiðni um umsögn.
    Sviðsstjóri skipulags- og umhverfissviðs sat fundinn undir þessum dagskrárlið.

Bæjarráð telur að vel sé gerð grein fyrir framkvæmdinni í "Greinagerð með tilkynningu til ákvörðunar um matsskyldu" og að fyrirhuguð efnistaka í Fiskidalsfjalli þurfi ekki að fara í mat á umhverfisáhrifum. Umrædd framkvæmd er háð framkvæmdaleyfi hjá Grindavíkurbæ.
         
2.     1802022 - Efnistaka í Húsafelli: umsögn um matsskyldu
    Sviðsstjóri skipulags- og umhverfissviðs sat fundinn undir þessum dagskrárlið.

Bæjarráð telur að vel sé gerð grein fyrir framkvæmdinni í "Greinagerð með tilkynningu til ákvörðunar um matsskyldu" og að fyrirhuguð efnistaka í Húsafelli þurfi ekki að fara í mat á umhverfisáhrifum. Umrædd framkvæmd er háð framkvæmdaleyfi hjá Grindavíkurbæ.
         
3.     1802024 - Félagsleg heimaþjónusta: Gjaldskrá 2018
    Sviðsstjóri félagsþjónustu- og fræðslusviðs sat fundinn undir þessum dagskrárlið.

Bæjarráð samþykkir að hækka gjaldskrána fyrir árið 2018 um 3% og mun þá tímagjald hækka úr 1.250 kr. í 1.288 kr. og vísar gjaldskránni til staðfestingar í bæjarstjórn.
         
4.     1710047 - Málefni foreldra: Heimgreiðslur
    Sviðsstjóri félagsþjónustu- og fræðslusviðs sat fundinn undir þessum dagskrárlið.

Bæjarráð hafnar erindinu að svo stöddu en mun taka þetta inn í heildarumræðu um dagvistunarmál. Nú er vinna í gangi að kanna húsnæðismál fyrir dagvistun og mun liggja fyrir niðurstaða í því á næstu mánuðum. Ljóst er að vandi vegna skorts á dagforeldrum er ekki eingöngu vandi sveitarfélaga heldur þarf ríkið að koma þar að málum, t.d. með því að lengja fæðingarorlof.
         
5.     1712086 - Stjórn Sambands ísl. sveitarfélaga: Hvatning til aðgerða
    Stjórn Sambands ísl. sveitarfélaga hvetur sveitarfélög til að skilyrða fjárveitingar til íþróttafélaga og annarra félaga sem bjóða upp á tómstundaiðkun fyrir börn og unglinga, því að félögin setji sér siðareglur, viðbragðsáætlanir og fræði sitt fólk um ofbeldi, kynferðislega áreitni og kynferðisofbeldi.

Bæjarráð tekur undir bókun frístunda- og menningarnefndar en hún er svohljóðandi:
Í þeirri vinnu sem framundan er við endurnýjun samnings Grindavíkurbæjar og UMFG og önnur íþróttafélög verður ákvæði um einelti og ofbeldi, kynbundna og kynferðislega áreitni sett í samningana.
         

Fleira ekki gert. Fundi slitið kl. 18:30.
 

• Síðast uppfært: 14. febrúar 2018