1469. fundur bæjarráðs Grindavíkur haldinn í bæjarstjórnarsal, þriðjudaginn 23. janúar 2018 og hófst hann kl. 17:00.
Fundinn sátu:
Kristín María Birgisdóttir formaður, Hjálmar Hallgrímsson varaformaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi, Jón Þórisson sviðsstjóri fjármála- og stjórnsýslusviðs og Fannar Jónasson bæjarstjóri.
Fundargerð ritaði: Jón Þórisson, sviðstjóri fjármála- og stjórnsýslusviðs.
Í upphafi fundar óskaði formaður eftir að taka inn mál með afbrigðum sem bætist aftan við útsenda dagskrá:
Nýbygging björgunarsveitarinnar: Styrkbeiðni - 1611060
Dagskrá:
1. 1712041 - Fræðslumál: Umsókn um námsvist utan lögheimilissveitarfélags
Málinu var frestað á síðasta fundi bæjarráðs.
Sviðsstjóri félagsþjónustu- og fræðslusviðs sat fundinn undir þessum dagskrárlið og kynnti hann málið.
Bæjarráð hafnar erindinu.
2. 1712051 - Íþróttahús 2018: útboð
Sviðsstjóri skipulags- og umhverfissviðs sat fundinn undir þessum dagskrárlið og kynnti hann málið.
Upp er komin ný staða en í ljós hefur komið sprunga undir byggingarreit hússins.
Meðan verið er að breyta burðarvirki hússins mun opnun tilboða og verktíma verða frestað um mánuð.
3. 1702041 - Reglur og gjaldskrá: Gatnagerðargjöld
Sviðsstjóri skipulags- og umhverfissviðs sat fundinn undir þessum dagskrárlið og kynnti hann málið.
Bæjarráð samþykktir Samþykkt um gatnagerðargjöld með áorðnum breytingum og vísar henni til staðfestingar í bæjarstjórn.
4. 1801059 - Gallup: Þjónustukönnun 2017
Niðurstöður úr þjónustukönnun Gallup um þjónustu Grindavíkurbæjar lagðar fram. Könnunin var framkvæmd í nóvember og desember 2017.
5. 1801058 - Samband ísl. sveitarfélaga: Opinber innkaup
Sambandið hvetur sveitarstjórnir til að kynna sér skýrslu Sveitarstjórnarþings Evrópuráðsins sem varpar á ljósi á þær hliðar innkaupamála sem krefjast sérstakrar árvekni. Skýrslan er lögð fram.
6. 1611060 - Nýbygging björgunarsveitarinnar: styrkbeiðni
Á fundi bæjarstjórnar nr. 469 þann 29.12.2016 bókaði bæjarstjórn eftirfarandi:
Bæjarstjórn samþykkir samhljóða að veita Björgunarsveitinni styrk að fjárhæð 7.000.000 króna. Útgreiðsla styrksins verður í nánara samkomulagi við Björgunarsveitina.
Bæjarráð samþykkir útgreiðslu styrksins og leggur til við bæjarstjórn að samþykkja viðauka við fjárhagsáætlun 2018 að fjárhæð 7.000.000 kr. sem tekið verði af handbæru fé.
Fleira ekki gert. Fundi slitið kl. 18:35.