Bátunum hjá útgerðarfyrirtækinu Einhamar Seafood fjölgaði um einn í gær þegar Vésteinn GK 88 var sjósettur í Hafnarfirði. Vésteinn er væntanlegur til heimahafnar eftir helgi þegar helstu prófunum á sjófærni og búnaði er lokið. Vésteinn er þriðji báturinn í flota Einhamars en fyrir gerði fyrirtækið út Auði Vésteins SU 88 og Gísla Súrsson GK 8. Skipstjóri Vésteins verður Guðmundur Theódór Ríkharðsson.
Vésteinn GK sjósettur í Hafnarfirði
Vésteinn er samskonar bátur og Auður og Gísli, en skipin eru öll smíðuð hjá Trefjum, eru tæp 30 brúttótonn og rétt tæpir 15 metrar á lengd.