Grindavík sigrađi Ármann örugglega

  • Körfubolti
  • 10. janúar 2018
Grindavík sigrađi Ármann örugglega

Grindavík lagði botnlið Ármanns í 1. deild kvenna í gærkvöldi, 50-71. Það var ekki síst stórleikur Angelu Rodriguez sem tryggði Grindavík góðan sigur en Angela skoraði 29 stig og setti 6 þrista í 8 tilraunum. Hún bætti við 13 fráköstum og var einni stoðsendingu frá þrefaldri tvennu.

Karfan.is gerði leiknum rækilega skil:

Ármann fékk Grindavík í heimsókn í Kennaraháskólann í kvöld í þriðja leiknum milli liðanna. Grindavík hafði unnið báða fyrri leikina nokkuð sannfærandi en mætti til leiks í kvöld án tveggja mínútuhæstu leikmanna sinna, Emblu Kristínardóttur og Ólöfu Rún Óladóttur. Leikurinn var jafn og spennandi framan af en undir lokin koðnuðu Ármenningar og Grindavík sigldi öruggum 50-71 sigri í höfn.

Leikurinn hófst með góðum fyrsta leikhluta þar sem að liðin skiptust á körfum og ljóst var að Ármenningar ætluðu sér ekkert að láta undan í þessari viðureign. Bæði lið byrjuðu af miklu offorsi og eftir fyrstu 10 mínúturnar var staðan 18-22, Grindavík í vil. Í öðrum leikhluta kulnuðu bæði liðin og fátt virtist ganga upp hjá þeim, en Grindavík skoraði aðeins 10 stig í leikhlutanum og Ármenningar aðeins þrjú stig þannig að staðan í hálfleik var 21-32, gestunum í vil.

Í seinni hálfleik snerist dæmið upphaflega við, en Ármann tóku sprett í þriðja leikhlutanum til að minnka muninn í fimm stig, 38-43 fyrir seinustu tíu mínúturnar. Svo virðist sem að þær hafi notað of mikla orku í að eltast við Grindavík vegna þess að þær komust ekki nær en þrjú stig áður en Ármenningar sprungu á limminu og þær gulklæddu breikkuðu bilið svo úr varð 21 stiga sigur, 50-71 fyrir Grindavík.

Þáttaskil
Þegar nokkrar mínútur voru liðnar af lokafjórðungnum virtist sem að heimastúlkur hefðu ekki meiri orku og gæfust upp á sama tíma og gestirnir fóru loks almennilega í gang. Á sex mínútna kafla skoruðu Grindvíkingar 15 stig gegn tveimur stigum hjá Ármanni. Það reyndist vera meira en nóg til að tryggja útisigur Grindavíkurstelpnanna.

Hetjan
Angela Rodriguez var afgerandi í leiknum þrátt fyrir að vera nýstigin upp úr meiðslum og var einni stoðsendingu frá tvöfaldri þrennu! Hún skoraði 29 stig, tók 13 fráköst, gaf 9 stoðsendingar, stal 5 boltum og hitti m.a. sex þriggja stiga skot í átta tilraunum (75% þriggja stiga nýting).

Tölfræðin lýgur ekki
Tapaðir boltar voru það sem gerðu út af við Ármann í kvöld, en þær töpuðu 26 boltum, þar af 17 í stuldi hjá hinu liðinu. Þær skutu ekki mikið verr en Grindavík (32% vs. 35%), en þær fengu einfaldlega 19 færri skot utan af velli. Þar lá munurinn.

Kjarninn
Það bjuggust eflaust flestir við sigri Grindavíkur og svo fór sem fór, en Ármann sýndi í þessum leik að þær eiga fullt erindi í 1. deild kvenna og ef þær ná að eiga fleiri leiki þar sem þær spila vel í 30-40 mínútur þá gætu þær unnið leik áður en yfir lýkur. Grindavík eru mjög lemstraðar eftir að Embla er farin til Keflavíkur og fyrst Ólöf Rún er á leið í aðgerð á liðþófa, en með Angelu og ungu stelpurnar eru þær ennþá í 3. sæti í deildinni og eru enn í baráttunni um að komast upp í úrvalsdeild.

Tölfræði leiksins

Umfjöllun / Helgi Hrafn Ólafsson

 

Deildu ţessari frétt

AĐRAR FRÉTTIR

Tónlistaskólafréttir / 17. október 2018

Vetrarfrí í tónlistarskólanum

Íţróttafréttir / 16. október 2018

Aukaađalfundur Knattspyrnudeildar UMFG 25. október

Grunnskólafréttir / 12. október 2018

Starfsmenn Akurskóla komu í heimsókn á bleikum degi

Fréttir / 11. október 2018

Sviđamessa  Lions föstudaginn 19. október

Lautafréttir / 10. október 2018

Bleikur dagur í Lautinni - föstudaginn 12. október

Grunnskólafréttir / 10. október 2018

Vanda Sigurgeirsdóttir kemur í heimsókn

Íţróttafréttir / 9. október 2018

Búningamátun hjá körfunni í dag kl. 17:30

Fréttir frá Ţrumunni / 8. október 2018

Vel heppnađ opnunarpartý Ţrumunnar

Grunnskólafréttir / 5. október 2018

Brunaćfing í Grunnskóla Grindavíkur

Íţróttafréttir / 5. október 2018

Haustmót yngri iđkenda í júdó 2018 - breytt dagskrá

Íţróttafréttir / 5. október 2018

Grindvíkingar mörđu sigur á nýliđunum

Fréttir / 5. október 2018

Matseđill nćstu viku í Víđihlíđ

Fréttir frá Ţrumunni / 4. október 2018

Bakarí í skólanum annan hvern föstudag

Bókasafnsfréttir / 4. október 2018

"Geđveikar húsfreyjur" - umfjöllun um Dalalíf og Ljósu

Grunnskólafréttir / 3. október 2018

Forseti Íslands heimsótti Grunnskóla Grindavíkur

Íţróttafréttir / 3. október 2018

Forvarnarvikan og UMFÍ leikur

Nýjustu fréttir 11

Kroppast úr knattspyrnuliđi Grindvíkinga

  • Íţróttafréttir
  • 17. október 2018

Leikskólakrakkar í heimsókn í tónlistarskóla

  • Tónlistaskólafréttir
  • 17. október 2018

Atvinna - Byggingarfulltrúi

  • Fréttir
  • 11. október 2018

Björn Berg Bryde til Stjörnunnar

  • Íţróttafréttir
  • 11. október 2018

Börnin í fyrsta bekk fengu gefins körfubolta

  • Grunnskólafréttir
  • 10. október 2018

Leikskólakörfuboltaćfingar hefjast í dag

  • Íţróttafréttir
  • 9. október 2018

Stelpurnar unnu fyrsta nágrannaslag tímabilsins

  • Íţróttafréttir
  • 8. október 2018