Fundur 68

68. fundur Frístunda- og menningarnefndar haldinn í bæjarstjórnarsal, miðvikudaginn 6. desember 2017 og hófst hann kl. 17:00.


Fundinn sátu:

Atli Geir Júlíusson aðalmaður, Þórunn Alda Gylfadóttir formaður, Anita Björk Sveinsdóttir aðalmaður, Björg Erlingsdóttir sviðsstjóri frístunda- og menningarsviðs og Sigríður Gunnarsdóttir.

Fundargerð ritaði: Björg Erlingsdóttir, Sviðsstjóri frístunda- og menningarsviðs.

 

Dagskrá:

1. 1712002 - Afrekssjóður: Knattspyrnudeild, vegna þjálfara 2017
Nefndin samþykkir að veita styrk en óskar eftir viðauka þar sem fjárheimild sjóðsins er uppurin.

2. 1501142 - Forvarnarteymi: Fundargerðir
Fundargerðir kynntar og áskoranir frá forvarnarteymi til leigusala sala og heilbrigðiseftirlits.

3. 1503143 - Hestamannafélagið Brimfaxi: Barna- og unglingastarf
Félagið óskar eftir að samningur milli bæjarfélagsins og félagsins verði framlengdur og að gengið sé frá niðustöðu um framlengingu sem fyrst. Val í skóla er ráðandi og gengið frá vali fram á vormánuðum 2019 að vori 2018. Samningur rennur út áramótin 2018/2019 og því er óskað eftir hann hann verði framlengdur og tímamörk verði miðuð við skólaárið. Farið yfir þau námskeið sem félagið hefur staðið fyrir, fjölda þeirra sem sækja námskeiðin og hvernig til hefur tekist. Ásókn er vaxandi og sérstaklega frá krökkum sem eru ekki í félaginu. Skólavalið er að reynast vel og krakkar koma aftur og aftur og þá gjarnan krakkar sem finna sig ekki innan annarra greina. Félagið myndi vilja að niðurgreiðsla fyrir sumarnámskeið væri hærri en verkefnin eru mörg og því var niðurstaðan að hún væri minni en var sumarið 2016. Brimfaxi og sviðstjóri og Atli byrja vinnu vegna endurnýjunar og endurskoðunar samnings og gert er ráð fyrir að drög séu tilbúin fyrir fund nefndarinnar í febrúar.

4. 1712007 - Íþróttamaður og íþróttakona ársins: 2017
Verðlaun verða afhent 31. desember, nefndin hittist með stjórn UMFG fimmtudaginn 14. desember og velur íþróttamann og íþróttakonu ársins. Valið fer fram í Salthúsinu. Fulltrúar deildanna mæta á valfundinn og kynna sínar tilnefningar.

5. 1702030 - Íþróttamaður ársins: verklagsreglur
Farið yfir reglur og breytingar samþykktar

6. 1712008 - Þrettándagleði: 2018
Verður með sama hætti og 2017.

7. 1712009 - Friðarganga: 2017
Af óviðráðanlegum ástæðum fellur gangan niður í ár.

8. 1712010 - Afrekssjóður: Íþróttafélagið NES
Umsóknin samþykkt að fengnum viðauka og sótt um viðauka fyrir styrknum

9. 1604063 - Bókasafn: Stefnumótun og framtíðarsýn
Nefndin leggur áherslu á að hafist sé handa við stefnumótunarvinnu fyrir Bókasafnið

10. 1510110 - Kvikan: breytt nýting eða sala
Sagt frá þeim umræðum sem verið hafa í stjórn Kvikunnar. Nefndin hvetur til þess að ákvörðun verði tekin og hugað að starfsemi hússins hvort sem það er til skemmri eða lengri tíma.

11. 1502076 - Fjölmenningarstefna: vinna verkefnishóps
Sagt frá vinnu hóps sem vinnur að fjölmenningarstefnu, verkefnum framundan og skipulagi.

12. 1602175 - Samsuð: Fundargerðir
Fundargerðir kynntar

 

 

Fleira ekki gert. Fundi slitið kl. 19:00

Grindavík.is fótur