Fundur 69

null

69. fundur Fræðslunefndar haldinn í bæjarstjórnarsal, mánudaginn 13. nóvember 2017 og hófst hann kl. 17:00.

Fundinn sátu:
Þórunn Svava Róbertsdóttir formaður, Klara Halldórsdóttir aðalmaður, Ámundínus Örn Öfjörð aðalmaður, Ómar Örn Sævarsson aðalmaður, Guðmundur Grétar Karlsson aðalmaður, Fríða Egilsdóttir leikskólastjóri, Hulda Jóhannsdóttir leikskólastjóri, Guðbjörg Málfríður Sveinsdóttir grunnskólastjóri og Sæborg Reynisdóttir áheyrnarfulltrúi.

Fundargerð ritaði: Ingibjörg María Guðmundsdóttir, yfirsálfræðingur.

Dagskrá:

1. 1711010 - Niðurstöður samræmdra prófa í 4. og 7. bekk haustið 2017
Guðbjörg skólastjóri kynnti niðurstöður úr samræmdum könnunarprófum í 4. og 7. bekk haustið 2017.

2. 1710112 - Starfsáætlun skólaþjónustu 2017-2018

Ingibjörg María lagði fram starfsáætlu sk.ólaþjónustu fyrir skólaárið 2017-2018

3. 1711009 - Hvatningarverðlaun fræðslunefndar
Rædd hugmynd frá Guðmundi Grétari fulltrúa fræðslunefndar um hvatningarverðlaun fyrir framúrskarandi vinnu/verkefni sem tengjast fræðslumálum. Fræðslunefnd samþykkir að vinna að ákveðnum ramma um hvatningarverðlaun, sem hefði það að markmiði að ýta undir jákvæða umfjöllun um fræðslumál í Grindavík. Lögð verða fram drög að ramma á fundi nefndarinnar í janúar.

4. 1710045 - Ályktun um stöðu barna
Farið yfir ályktun um stöðu barna í leikskólum og svar Sigurðar Sigurjónssonar formanni félags stjórnenda í leikskólum. Ítrekað er í ályktun FSL og svari Sigurðar mikilvægi þess að sveitarfélög setji sér viðmið um fermetra á barn í leikskólum og taki tillit til lengri vistunartíma barna í leikskólum. Fræðslunefnd ítrekar fyrri bókun um málið í fundargerð 2. október 2017.

5. 1711032 - Deildin Garðhús á Laut

Fram voru lagðar tvær skýrslur um úttekt á húsnæði Lautar, Garðhúsum, vegna raka í húsnæði. Í þeim kemur fram að húsnæðið þarfnist viðgerðar þar sem það er ekki ákjósanlegt til leikskólareksturs. Fræðslunefnd og leikskólastjóri Lautar harma að ekki hafi verið gripið til aðgerða þegar úttekt Verkfræðistofunnar Eflu lá fyrir í lok mars sl.

6. 1711031 - Fjárhagsáætlun fræðslumála
Farið yfir helstu atriði fjárhagsáætlunar leik- og grunnskóla fyrir árið 2018.

 

 

Fleira ekki gert. Fundi slitið kl. 19:00.

 

 

Grindavík.is fótur