Fundur 25

25. fundur umhverfis- og ferðamálanefndar haldinn í bæjarstjórnarsal, miðvikudaginn 8. nóvember 2017 og hófst hann kl. 17:00.


Fundinn sátu:
Gunnar Margeir Baldursson formaður, Anita Björk Sveinsdóttir aðalmaður, Hjörtur Waltersson aðalmaður, Jón Emil Halldórsson aðalmaður, Sigríður Gunnarsdóttir varamaður, Ármann Halldórsson sviðsstjóri skipulags- og umhverfissviðs og Siggeir Fannar Ævarsson Upplýsinga- og skjalafulltrúi.

Fundargerð ritaði: Siggeir F. Ævarsson, upplýsinga- og skjalafulltrúi.

Í upphafi fundar óskaði formaður eftir að taka fyrir eitt mál með afbrigðum, mál 1711017: Daggæsla við Hraunbraut: Húsnæðismál. Samþykkt samhljóða

Dagskrá:

1. 1710107 - Tjaldsvæði: Gjaldskrá 2018
Samningur við Útilegukortið verður ekki endurnýjaður fyrir sumarið 2018.

2. 1711026 - Upplýsingamiðstöð fyrir ferðamenn: áskorun frá Grindavík Experience

Nefndin tekur undir áskorun Grindavík Experience. Nefndin hefur frá upphafi bent á og lagt áherslu á að í bæjarfélaginu ætti að vera opin upplýsingamiðstöð árið um kring. Upplýsingamiðstöðvar gegna lykilhlutverki í þjónustu við ferðamenn og einnig þegar kemur að öryggi þeirra.

3. 1710069 - Ábendingar frá bæjarbúum: Mykjudreifing í Bótinni
Nefndin bendir á að svæðið er útivistasvæði Grindvíkinga og þegar verið er að bera áburð á svæðið verður að taka tillit til þess. í beitarhólfum er lausagagna hunda með öllu bönnuð. Ekki verði heimilt að dreifa áburði á veginn né á svæði sjávarmegin við hann.

4. 1711017 - Daggæsla við Hraunbraut: Húsnæðismál
Nefndin skilur þá aðkallandi stöðu sem komin er upp og gerir ekki athugasemd við að Krílakot færist tímabundið inn í þjónustuhús tjaldsvæðisins. Nefndin gerir aftur á móti athugasemd við samráðsleysi bæjarráðs við nefndina og þá starfsmenn bæjarins sem hafa með málefni tjaldsvæðisins að gera. Stefnt er að opnun tjaldsvæðisins 1. mars 2018 og þarf góðan fyrirvara til að undirbúa allt markaðsefni og auglýsingar fyrir komandi ferðamannatímabil.

 

 

Fleira ekki gert. Fundi slitið kl. 18:40.

Grindavík.is fótur