Bikardraumurinn úti

  • Körfubolti
  • 7. nóvember 2017
Bikardraumurinn úti

Bikardraumum Grindavíkur er lokið þetta körfuknattleiksárið en strákarnir töpuðu gegn Njarðvík í gær og því bæði meistaraflokksliðin okkar úr leik. Leikurinn var jafn og spennandi og okkar menn að spila vel í fyrri hálfleik. Í þriðja leikhluta hættu skotin að detta og Njarðvíkingar fundu sína fjöl. Grindvíkingar voru þó allan tímann inni í leiknum en voru mislagðar hendur í næstsíðustu sókn leiksins í stöðunni 77-75 og því fór sem fór. 

Karfan.is var með sérsveitina á staðnum sem gerði leiknum góð skil:

Njarðvíkingar eru komnir í 8-liða úrslit Maltbikarsins eftir 79-75 spennusigur á Grindavík í Ljónagryfjunni í kvöld. Rashad Whack jafnaði leikinn 75-75 fyrir Grindavík þegar rétt rúm mínúta lifði leiks en þá voru gestirnir á 7-0 áhlaupi til að jafna metin. Heimamenn í Njarðvík reyndust þó sterkari á lokasprettinum, vó þar þungt varið skot frá miðherjanum Ragnari Nathanaelssyni og lokatölur 79-75 eins og áður greinir. Þetta var þriðji háspennuleikurinn í röð í Ljónagryfjunni, kvennalið Njarðvíkur komst áfram í bikarnum í gær með sigri á Stjörnunni og í Domino´s-deild karla vann Njarðvík nauman sigur á Val í síðustu umferð.

Terrell Vinson var stigahæstur Njarðvíkinga í kvöld með 25 stig og 8 fráköst og Ragnar Nathanaelsson bætti við tvennu með 11 stig og 10 fráköst. Þá átti Logi Gunnarsson nokkrar „Logakörfur" þegar allt var í járnum en hann var með 16 stig í kvöld og Maciej Baginski bætti við 17 stigum.

Hjá Grindavík var Ólafur Ólafsson öflugur með 21 stig og 10 fráköst og Dagur Kár Jónsson bætti við 17 stigum og 9 stoðsendingum.

Leikurinn var hnífjafn allan tímann en Njarðvíkingar komust í 74-64 með fímm mínútur eftir af leiknum og virtust vera að ná tökum á leiknum. Gestirnir úr Grindavík létu þó ekki deigan síga og náðu að jafna á meðan heimamenn felldu sig við að skjóta of mikið fyrir utan. Heimamenn höfðu þetta þó og innbyrtu sigur.

Njarðvíkingar verða því í bikarskálinni á morgun þegar dregið verður í 8-liða úrslit en með þeim í pottinum verða Tindastóll, Keflavík, Höttur, KR, ÍR, Breiðablik og Haukar.

 

Tölfræði leiks

Myndasafn

Viðtal við Jóhann Þór Ólafsson eftir leik:

Deildu ţessari frétt

AĐRAR FRÉTTIR

Fréttir / 24. september 2018

Bćjarmálafundur hjá Samfylkingunni í kvöld

Grunnskólafréttir / 21. september 2018

Sigga Dögg hitti nemendur unglingastigs

Íţróttafréttir / 20. september 2018

Lokahóf knattspyrnudeildar UMFG laugardaginn 29. september

Íţróttafréttir / 18. september 2018

Grindavík falliđ úr Pepsi-deild kvenna

Fréttir frá Ţrumunni / 17. september 2018

Starfsmenn Ţrumunnar uppfullir af fróđleik eftir starfsdaga Samfés

Bókasafnsfréttir / 14. september 2018

Stormfuglar Einars Kárasonar - kynning á bókmenntaarfinum

Fréttir / 12. september 2018

Dagur lćsis á Króki

Fréttir / 12. september 2018

KK band á Fish house á laugardaginn

Lautafréttir / 12. september 2018

Foreldrafundur ţriđjudaginn 18. september í Lautinni

Fréttir / 10. september 2018

Matseđill nćstu tveggja vikna í Víđihlíđ

Nýjustu fréttir 11

Framkvćmdir hafnar á Grindavíkurvegi

  • Fréttir
  • 21. september 2018

Hljóđfćragerđ fyrir nemendur í 5. og 6. bekk

  • Tónlistaskólafréttir
  • 21. september 2018

1. bekkur í heimsókn á Ásabraut

  • Grunnskólafréttir
  • 18. september 2018

Vilt ţú eiga forsíđumynd Járngerđar?

  • Fréttir
  • 18. september 2018

Pysja kemur í heimsókn

  • Grunnskólafréttir
  • 16. september 2018