Tveir fulltrúar Grindavíkur í Kórum Íslands á sunnudaginn

• Fréttir
• 20. október 2017

Kórar Íslands er nýr skemmtiþáttur sem er á dagskrá Stöðvar 2 í vetur. Fimmti þátturinn fer í loftið á sunnudaginn kl. 19:10 og koma þar fram fjórir kórar og keppa um tvö laus sæti áfram í undanúrslitin. Í kórnum Spectrum eiga Grindavíkingar tvo fulltrúa, en það eru þær Guðrún Björk Guðsteinsdóttir og Margrét Pálsdóttir.

Áhorfendur geta haft áhrif á hvaða kórar komast áfram og hvetjum við Grindvíkinga að sjálfsögðu til að styðja við bakið á okkar konum. Númerið til að kjósa Spectrum kórinn er 900-9004.

Þær Margrét og Guðrún á góðri stundu á kóramóti á Ítalíu 2015.

• Síðast uppfært: 20. október 2017