Fundur 66

66. fundur Fræðslunefndar haldinn í bæjarstjórnarsal, mánudaginn 4. september 2017 og hófst hann kl. 17:00.

Fundinn sátu:

Þórunn Svava Róbertsdóttir formaður, Klara Halldórsdóttir aðalmaður, Ámundínus Örn Öfjörð aðalmaður, Ómar Örn Sævarsson aðalmaður, Guðmundur Grétar Karlsson aðalmaður, Nökkvi Már Jónsson sviðsstjóri félagsþjónustu- og fræðslusviðs, Valdís Inga Kristinsdóttir áheyrnarfulltrúi, Heimir Daði Hilmarsson, áheyrnarfulltrúi, Fríða Egilsdóttir skólastjóri, Guðbjörg Málfríður Sveinsdóttir skólastjóri, Hulda Jóhannsdóttir skólastjóri, Katrín Magnúsdóttir, áheyrnarfulltrúi og Sæborg Reynisdóttir áheyrnarfulltrúi.

Fundargerð ritaði: Nökkvi Már Jónsson, sviðsstjóri félagsþjónustu- og fræðslusviðs.

 

Dagskrá:

1. 1708151 - Markmið og viðmið fyrir starf frístundaheimila
Lögð eru fram drög að markmiðum og viðmiðum vegna starfs frístundaheimila við grunnskóla til kynningar.

2. 1708132 - Framtíðarsýn um aukna húsnæðisþörf leik- og grunnskóla: Bæjarfulltrúar Framsóknarflokksins óska eftir umræðu
Lögð er fram greinargerð starfshóps um skólahúsnæði í Grindavík frá því í nóvember 2016, ásamt bókun bæjarstjórnar undir málinu frá síðasta fundi hennar. Nefndin hvetur til þess að horft verði til lengri tíma en fimm ára við gerð tímasettrar aðgerðaráætlunar og að hafinn verði nú þegar undirbúningur að hönnun og skipulagi skólahúsnæðis á báðum skólastigum.

3. 1708113 - Staða á biðlista eftir leikskólaplássi ágúst 2017
Lögð eru fram gögn um stöðu umsókna barna í leikskólum sveitarfélagsins. Í upphafi skólaárs var ekkert barn á biðlista eftir leikskólaplássi. Reikna má með að uppsafnaður biðlisti í lok skólaársins verði u.þ.b. 20 börn miðað við núverandi innskráningarlista.

4. 1708114 - Leikskólamál: Ársskýrsla Króks 2016-2017
Hulda Jóhannsdóttir, skólastjóri Heilsuleikskólans Króks leggur fram ársskýrslu vegna skólaársins 2016 - 2017. Nefndin þakkar fyrir greinargóða og vel framsetta skýrslu.


5. 1706010 - Ársskýrsla Lautar 2016-2017
Fríða Egilsdóttir, skólastjóri Leikskólans Lautar leggur fram ársskýrslu vegna skólaársins 2016 - 2017. Nefndin þakkar fyrir greinargóða og vel framsetta skýrslu.

 

 

Fleira ekki gert. Fundi slitið kl. 19:40.

 

Grindavík.is fótur