Í samræmi við ákvæði 2. mgr. 36 gr. skipulagslaga nr. 123 frá 2010 auglýsir Grindavíkurbær niðurstöðu bæjarstjórnar vegna breytingar á aðalskipulagi Grindavíkur 2010-2030 vegna Hafnargötu 4. Breytingin felur í sér að skilgreining á reitnum hafnargötu 4 breytist úr svæði fyrir þjónustustofnanir í verslun- og þjónustu.
Fyrirhugað er að reka gistiheimili í húsnæðinu. Skipulagsnefnd Grindavíkur samþykkti breytinguna á fundi nefndarinnar þann 21. ágúst 2017 og bæjarstjórn Grindavíkur á fundi sínum þann 29. ágúst 2017.
Gögn má nálgast hér að neðan eða hjá skipulagsfulltrúa á netfangið armann@grindavik.is eða í síma 4201100
Í samræmi við 4. gr. laga nr. 130 frá 2011, um úrskurðarnefnd umhverfis- og auðlindamála, er vakin athygli á því að þeir sem eiga lögvarinna hagsmuna að gæta sem og umhverfis- og útivistarsamtök með minnst 30. félaga, enda samrýmist tilgangi samtakanna að gæta þeirra hagsmuna sem kæran lýtur að, geta kært breytinguna innan mánaðar frá birtingu auglýsingar til úrskurðarnefndar umhverfis- og auðlindamála, Skuggasundi 3, 101 Reykjavík, sjá nánar heimasíðu nefndarinnar uua.is.
Grindavík, 6. september 2017.
F.h. Grindavíkurbæjar,
Ármann Halldórsson
Skipulagsfulltrúi
Aðalskipulag Grindavíkurbæjar 2010-2030 - óveruleg breyting (PDF)