Fundur 22

22. fundur umhverfis- og ferðamálanefndar haldinn í bæjarstjórnarsal, miðvikudaginn 21. júní 2017 og hófst hann kl. 17:00.

Fundinn sátu:
Gunnar Margeir Baldursson formaður, Hjörtur Waltersson aðalmaður, Magnús Andri Hjaltason aðalmaður, Kristín María Birgisdóttir varamaður, Jóna Rut Jónsdóttir varamaður, Ármann Halldórsson sviðsstjóri skipulags- og umhverfissviðs og Siggeir Fannar Ævarsson Upplýsinga- og skjalafulltrúi.

Fundargerð ritaði: Siggeir F. Ævarsson, upplýsinga- og skjalafulltrúi.

Dagskrá:

1. 1608142 - Umhverfisframmistaða: mælingar í Grindavík
Fulltrúar frá ARK komu á fundinn og kynntu stöðu umhverfisgáttar Grindavíkurbæjar.

2. 1703058 - Grindavíkurvegur: vatnsvernd/öryggismál

Umhverfis- og ferðamálanefnd leggur til við almannavarnarnefnd að tækjabíll slökkviliðs verði ávallt kallaður út þegar umferðaróhöpp verða innan vatnsverndarsvæðis í lögsögu bæjarins, þá sérstaklega á Grindavíkurvegi. Málinu vísað til almannavarnarnefndar.

3. 1704013 - Tölvupóstur: Ábendingar vegna umgengni ferðamanna
Umhverfis- og ferðamálanefnd þakkar ábendingarnar og tekur undir að bregðast þurfi við með skjótum hætti. Sviðsstjóra falið að óska eftir því við bæjarstjórn að veita fjárveitingu fyrir fimm skiltum sem sett verða upp nú í sumar á helstu álagspunktum.

4. 1508077 - Heimasíða: Endurnýjun heimasíðu
Ný vefsíða Visit Grindavík - www.visitgrindavik.is kynnt. Nefndin fagnar uppfærslunni og lýsir ánægju sinni með síðuna.

5. 1706063 - Breyting á lögreglusamþykkt: ályktun um gistingar á sérmerktum svæðum
Umhverfis- og ferðamálanefnd tekur undir áskorun Reykjanes Geopark og leggur til við bæjarstjórn að unnin verði lögreglusamþykkt fyrir Grindavíkurbæ þar sem tekið verði sérstaklega á gistingum utan tjaldsvæða í landi bæjarins.

6. 1702099 - Tjaldsvæði: 2017
Starfsmönnum nefndarinnar falið að vinna tillögur að nýrri gjaldskrá sem lagðar verða fram á næsta fundi.

7. 1702015 - Fundargerðir: Reykjanes Geopark 2017
Fundargerðir 34. 35. og 36. fundar Reykjanes Geopark lagðar fram til kynningar.

 

 

Fleira ekki gert. Fundi slitið kl. 19:50.

Grindavík.is fótur