Fundur 65

65. fundur Fræðslunefndar haldinn í bæjarstjórnarsal, mánudaginn 12. júní 2017 og hófst hann kl. 17:00.


Fundinn sátu:

Klara Halldórsdóttir formaður, Ámundínus Örn Öfjörð aðalmaður, Ómar Örn Sævarsson aðalmaður, Guðmundur Grétar Karlsson aðalmaður, Fríða Egilsdóttir leikskólastjóri, Halldóra Kristín Magnúsdóttir grunnskólastjóri, Renata Ilona Iván áheyrnarfulltrúi, Hulda Jóhannsdóttir leikskólastjóri og Sæborg Reynisdóttir áheyrnarfulltrúi.

Fundargerð ritaði: Ingibjörg María Guðmundsdóttir, yfirsálfræðingur.

Dagskrá:

1. 1706012 - Skóladagatal tónlistarskóla 2017-2018
Aðstoðarskólastjóri Tónlistarskóla, Renata Ivan, lagði fram skóladagatal skólaársins 2017-2018. Þar eru átta starfsdagar utan starfstíma, fimm starfsdagar og símenntun innan starfstíma og fimm dagar í vetrarfrí. Starfsdagar og skipulag er samræmt eins og hægt er við aðra skóla sveitarfélagsins. Fræðslunefnd samþykkir skóladagatal Tónlistarskóla Grindvíkur.

2. 1706015 - Læsisstefna leikskóla Grindavíkurbæjar
Fram lögð drög að læsisstefnu leikskólanna. Fræðslunefnd vísar til sáttmála um læsi sem undirritaður var í 15. september 2015 og minnir á mikilvægi þess að sveitarfélagið vinni að sameiginlegri læsisstefnu fyrir samfélagið í heild.

3. 1706011 - Skóladagatal Króks 2017-2018
Hulda Jóhannsdóttir skólastjóri Heilsuleikskólans Króks lagði fram skóladagatal skólaársins 2017-2018. Þar eru fimm starfsdagar á skólaárinu sem skiptast í fjóra heila daga og tvö hálfa daga. Símenntunardagur Grindavíkur er 10. nóvember 2017. Starfsdagar og skipulag er samræmt eins og hægt er við aðra skóla sveitarfélagsins. Fræðslunefnd samþykkir skóladagatal Króks.

4. 1706009 - Skóladagatal 2017-2018
Fríða Egilsdóttir skólastjóri Lautar lagði fram skóladagatal skólaársins 2017-2018. Þar eru fimm starfsdagar á skólaárinu sem skiptast í fjóra heila daga og tvo hálfa daga. Starfsdagar og skipulag er samræmt eins og hægt er við aðra skóla sveitarfélagsins. Fræðslunefnd samþykkir skóladagatal Lautar.

5. 1706010 - Ársskýrsla Lautar 2016-2017
Lögð fram ársskýrsla Lautar fyrir skólaárið 2016-2017. Afgreiðslu frestað til næsta fundar.

6. 1706014 - Niðurstöður samræmdra prófa í 9. og 10. bekk vor 2017
Skólastjóri grunnskólans kynnti helstu niðurstöður samræmdra prófa í 9. og 10. bekk vorið 2017. Fram kemur að nemendur í Grindavík eru undir landsmeðaltali en yfir meðaltali Suðurnesja í stærðfræði í 9. og 10. bekk og í íslensku í 9. bekk. Fræðslunefnd bendir á að niðurstöður eru öllum aðgengilegar á heimasíðu Menntamálastofnunar þar sem hægt er að skoða niðurstöður fyrir landið, einstök sveitarfélög og skóla.

7. 1704014 - Skólapúlsinn: Foreldrakönnun 2017
Boðað var til skólaþings 29. maí sl. í samræmi við fyrri bókanir um foreldrakönnun skólapúlsins. Fram lagðir punktar sem komu fram í umræðum á fundinum. Skólastjóri nýtir sér umrædda punkta við gerð áætlana innan skólans. Lagt fram til kynningar.

8. 1503104 - Skólanámskrá Grunnskóla Grindavíkur

Fram var lagður kafli um námsmat sem verður hluti af skólanámskrá Grunnskóla Grindavíkur. Skjalið verður hluti af skólanámskrá á heimasíðu skólans.

9. 1706013 - Endurskoðuð lestrarstefna Grunnskólans
Lögð fram endurskoðuð lestrarstefna Grunnskóla Grindavíkur í samræmi við gildandi heimanámsstefnu skólans, áherslur leikskólanna og Menntamálastofnunar. Fræðslunefnd vísar til sáttmála um læsi sem undirritaður var í 15. september 2015 og minnir á mikilvægi þess að sveitarfélagið vinni að sameiginlegri læsisstefnu fyrir samfélagið í heild.

10. 1703009 - Grunnskóli: skóladagatal 2017-2018
Skóladagtal Grunnskóla Grindavíkur lagt fram aftur með breyttum dagsetninum á starfsdegi Grindavíkurbæjar og fyrirlögn samræmdra prófa. Fræðslunefnd samþykkir skóladagatalið.

11. 1701018 - Skólapúlsinn: Nemendakönnun 2016-2017
Niðurstöður nemendakönnunar skólapúlsins lagðar fram til kynningar.
Fræðslunefnd þakkar Halldóru fráfarandi skólastjóra Grunnskóla Grindavíkur fyrir samstarfið á liðnum árum og óskar henni velfarnaðar í næstu verkefnum. Halldóra þakkar fyrir ánægjulegt samstarf.


Fleira ekki gert. Fundi slitið kl. 19:07.

 

 

 

 

Grindavík.is fótur