Gunnar Tómasson heldur fyrirlestur í Kvikunni í kvöld kl. 20:00 þar sem hann mun fjalla um björgunarsveitina Þorbjörn, verkefni hennar og breytingar á tækjakosti í gegnum árin. Gunnar þekkir sögu sveitarinnar vel enda var hann formaður hennar um árabil og einnig formaður Slysavarnarfélags Íslands.
Fyrirlesturinn hefst kl. 20:00 og er öllum opinn og aðgangur ókeypis. Heitt á könnunni.
Gunnar mun meðal annars sýna nýfundna kvikmynd (stuttmynd) sem tekin var í Nauthólsvík 8. maí 1955 rétt eftir að björgunarsveitinni tókst að bjarga 42 skipverjum af togaranum Jóni Baldvinssyni RE sem strandaði vestur á Reykjanesi. Í kvikmyndinni sjást allir meðlimir björgunarsveitarinnar sýna hvernig fluglínutæki sveitarinnar eru notuð við björgun úr strönduðum skipum.
Fyrirlesturinn er hluti af dagskrá Sjóarans síkáta, sem má sjá í heild sinni hér.
Gunnar ásamt þeim Róberti Ragnarssyni, þáverandi bæjarstjóra Grindavíkur, og Kristni Reimarssyni, fyrrum sviðsstjóra frístunda- og menningarsviðs, en myndin var tekin árið 2012 þegar Þorbjörn hlaut menningarverðlaun Grindavíkurbæjar.
Myndband sem tekið var þegar söguskilti við Hópsnesvita voru vígð á 80 ára afmæli björgunarsveitarinnar 2011