Skólaslit Tónlistarskólans í Grindavík fóru fram 20. maí sl. við hátíðlega athöfn. Inga Þórðardóttir skólastjóri fór yfir vetrarstarfið. Þórey Tea Þorleifsdóttir og Hekla Sóley Jóhannsdóttir spiluðu á þverflautu, Þórdís Steinþórsdóttir spilaði á píanó og Sigríður María Eyþórsdóttir söng fyrir viðstadda.
Þrír nemendur luku að þessu sinni 1. stigs prófi á hljóðfæri og í söng, einn nemendi lauk 2. stigi og tveir nemendur luku grunnprófi. Nemendur skólans fengu prófskírteini sín afhent eftir að skólanum var formlega slitið. Myndir frá skólaslitum tónlistarskólans má sjá hér.