Í morgun komu sænskir gestir í jógastund á yngsta stigið ásamt Herdísi Gunnlaugsdóttur leikskólakennara á Heilsuleikskólanum Króki. Þetta voru sænskir leikskólakennarar sem eru í verkefni með Króki. Bryndís Garðarsdóttir deildarstjóri yngsta stigs tók á móti þeim, sýndi skólann og einnig fylgdust þeir með vikulegri jógastund í umsjá Halldóru Halldórsdóttur grunn- og kundalinijógakennara.
Vinabæjarsamband Grindavíkur við sænska bæinn Piteå teygir sig aftur til ársins 1978 og ánægjulegt að það skuli enn vera virkt. Vinabærinn Piteå er norðarlega í Svíþjóð, yndislegur bær þar sem íþróttir og tónlist blómstra.
Nánar má sjá upplýsingar um vinabæinn okkar á slóðinni: http://www.grindavik.is/vinabaeir