Samhliða Allir lesa - landsleiknum í lestri sem haldin var á þorranum var haldin keppni milli bekkja í Grunnskóla Grindavíkur. Stjórnendur Grunnskólans ákváðu að gefa þeim bekkjum bikar sem læsu mest á hverju stigi fyrir sig. Síðastliðinn föstudag var miðstigsbikarinn afhentur en það var 5.A sem las mest eða 24.570 mínútur, það gera 1.116 mínútur á barn eða 18,6 klukkustundir. Geri aðrir betur! Kristjana Jónsdóttir deildarstjóri miðstigs afhenti bekknum bikarinn við mikinn fögnuð, fyrir fullum sal á úrslitum spurningarkeppninnar.