Grunnskóli Grindavíkur auglýsir eftir kennurum

• Grunnskólinn
• 15. mars 2017

Grunnskóli Grindavíkur auglýsir eftir kennurum í eftirtaldar kennarastöður á næsta skólaári: 
- Stöður umsjónarkennara á yngsta, mið- og elsta stigi.
- Kennsla í íslensku,stærðfræði, dönsku og náttúrufræði á elsta stigi.
- Íþróttakennari
- Sérkennari 
- Textílkennari
- Tónmenntakennari

Umsóknarfrestur er til 31. mars en ráðið er í stöðurnar frá 1. ágúst.

Skólinn er heildstæður, einsetinn grunnskóli, með tæplega 500 nemendur í tveimur starfsstöðvum. Í Grunnskóla Grindavíkur er starfað eftir Uppbyggingarstefnunni og lögð áhersla á að skapa námsumhverfi í samráði við foreldra þar sem allir eru virkir, að öllum líði vel og allir læri að bera virðingu fyrir sjálfum sér, öðrum og umhverfi sínu. Í framtíðarsýn skólans kemur fram að skólinn er lærdómssamfélag þar sem áhersla er á að allir nemendur hljóti góða menntun og fái hvatningu til náms í samræmi við þroska sinn og áhuga í öruggu og uppbyggilegu umhverfi. Nemendur, starfsfólk og foreldrar eru virkir þátttakendur í lærdómssamfélaginu.
Allur aðbúnaður og umhverfi skólans er til fyrirmyndar. Sjá nánar á heimasíðu skólans 

• Við leitum að einstaklingum með réttindi til kennslu í grunnskóla sem eru metnaðarfullir, og góðir í mannlegum samskiptum, með skipulagshæfileika, eru sveigjanlegir og tilbúnir að leita nýrra leiða í skólastarfi.

• Starfsmenn Grindavíkurbæjar hafa sett sér eftirfarandi gildi sem unnið er eftir í starfsemi bæjarins, þau eru jafnræði, jákvæðni, þekking, framsækni og traust.

Karlar, jafnt sem konur, eru hvattir til að sækja um starfið.

Laun eru samkvæmt kjarasamningi Sambands íslenskra sveitarfélaga og Kennarasambands Íslands.
Umsóknir skulu berast Grunnskóla Grindavíkur Ásabraut 2, 240 Grindavík eða sendist á netfangið halldorakm@grindavik.is

Nánari upplýsingar veita Halldóra K. Magnúsdóttir skólastjóri og Guðbjörg M. Sveinsdóttir aðstoðarskólastjóri í síma 420-1200.

• Síðast uppfært: 15. mars 2017