1438. fundur bæjarráðs Grindavíkur haldinn í bæjarstjórnarsal, þriðjudaginn 14. mars 2017 og hófst hann kl. 17:00.
Fundinn sátu:
Hjálmar Hallgrímsson formaður, Kristín María Birgisdóttir varaformaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi, Jón Þórisson sviðsstjóri fjármála- og stjórnsýslusviðs og Fannar Jónasson bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. 1602104 - Daggæsla í heimahúsi: Tillögur um eflingu þjónustu
Nökkvi Már Jónsson, sviðsstjóri félagsþjónustu- og fræðslusviðs sat fundinn undir þessum lið og kynnti hann málið.
Sviðsstjóra er falið að kanna möguleika á að koma upp aðstöðu þar sem tveir dagforeldrar starfa saman utan eigin heimilis.
2. 1703010 - Grunnskóli: Starfslok skólastjóra
Nökkvi Már Jónsson, sviðsstjóri félagsþjónustu- og fræðslusviðs sat fundinn undir þessum lið og kynnti hann málið.
Skólastjóri Grunnskóla Grindavíkur hefur sagt starfi sínu lausu frá og með 1. ágúst 2017.
Sviðsstjóri félagsþjónustu- og fræðslusviðs óskar eftir viðauka við fjárhagsáætlun 2017 að fjárhæð 1.000.000 kr. til að standa straum af auglýsinga- og ráðningarferli.
Bæjarráð leggur til við bæjarstjórn að samþykkja viðauka við fjárhagsáætlun 2017 að fjárhæð 1.000.000 sem fjármagnaður verði með lækkun á handbæru fé.
3. 1606003 - Tjaldsvæði: Smáhýsi
Drög að samningi við 240 ehf. vegna smáhýsa við tjaldsvæðið lögð fram.
Bæjarráð vísar samningsdrögunum til umhverfis- og ferðamálanefndar með þeim athugasemdum sem fram komu á fundinum.
4. 1703017 - Knattspyrnudeild UMFG: beiðni um framlengingu samnings um verktöku við umsjón mannvirkja 2017
Beiðni frá knattspyrnudeild UMFG um framlengingu samnings um umsjón mannvirkja lögð fram.
Bæjarráð felur sviðsstjóra að afla frekari gagna og rökstuðnings vegna hækkunarbeiðni samningsins.
5. 1703035 - Styrkbeiðni: Bridsfélag Suðurnesja
Gunnlaugur Sævarsson fyrir hönd Bridsfélagsins Munins og Bridsfélags Suðurnesja óskar eftir styrk vegna kaupa á félagsheimili.
Bæjarráð getur ekki orðið við erindinu.
Fleira ekki gert. Fundi slitið kl. 18:20.