Fundur 62

62. fundur Fræðslunefndar haldinn í bæjarstjórnarsal, mánudaginn 6. mars 2017 og hófst hann kl. 18:00.

Fundinn sátu:
Þórunn Svava Róbertsdóttir formaður, Ámundínus Örn Öfjörð aðalmaður, Ómar Örn Sævarsson aðalmaður, Guðmundur Grétar Karlsson aðalmaður, Sigurpáll Jóhannsson varamaður, Ellert Magnússon áheyrnarfulltrúi, Petra Rós Ólafsdóttir áheyrnarfulltrúi, Fríða Egilsdóttir leikskólastjóri, Halldóra Kristín Magnúsdóttir grunnskólastjóri, Hulda Jóhannsdóttir leikskólastjóri, Sæborg Reynisdóttir áheyrnarfulltrúi og Nökkvi Már Jónsson sviðsstjóri félagsþjónustu- og fræðslusviðs.

Fundargerð ritaði: Ingibjörg María Guðmundsdóttir, Yfirsálfræðingur.

Dagskrá:

1. 1602104 - Daggæsla í heimahúsi: Tillögur um eflingu þjónustu
Lagt fram minnisblað frá Nökkva Má Jónssyni um daggæslumál. Í ágúst nk. verða 55 börn orðin 18 mánaða og á biðlista. Dagforeldrar verða þrír næsta skólaár,þ.e fækkað um tvo. Stuðningur við dagforeldra sem var settur á sl. sumar hefur ekki orðið til þess að fjölga dagforeldrum til lengri tíma.
Fræðslunefnd leggur til við bæjarráð að skoðaðir verði möguleikar á frekari stuðningi við dagforeldra t.d. með húsnæði þannig að tveir dagforeldrar geti starfað saman utan eigin heimilis.

2. 1703008 - Sameiginlegir starfsdagar skólaárið 2017-2018

Yfirlit yfir starfsdaga nk. skólaárs í leik-, grunn- og tónlistaskóla lagt fram eins og þeir voru ákveðnir á fundi með stjórnendum skólanna og fulltrúum foreldra í samræmi við fyrri samþykkt fræðslunefndar um formlega aðkomu foreldra að skóladagatali skólanna.
Fræðslunefnd telur að starfsdagar næsta skólaárs hafi verið samræmdir eins og unnt er.

3. 1703009 - Grunnskóli: skóladagatal 2017-2018

Halldóra K. Magnúsdóttir lagði fram skóladagatal fyrir skólaárið 2017-2018.
Fræðslunefnd samþykkir framlagt skóladagatal skólaárið 2017-2018.

4. 1610006 - Grunnskóli Grindavíkur: Skýrsla um innra mat
Halldóra K. Magnúsdóttir lagði fram greinargerð um innra mat Grunnskóla Grindavíkur sl. þrjú ár.

5. 1703010 - Grunnskóli: Starfslok skólastjóra
Lagt fram uppsagnarbréf Halldóru K. Magnúsdóttur skólastjóra Grunnskóla Grindavíkur. Hún mun láta af störfum 1. ágúst nk. Jafnframt lagt fram minnisblað sviðsstjóra um ráðnignarferli og aðkomu fræðslunefndar að því.
Fræðslunefnd leggur til við bæjarráð að samþykktur verði viðauki við fjárhagsáætlun að upphæð 1.000.000 kr til að standa straum að ráðningarferli skv. tillögu sviðsstjóra. Jafnframt er sviðsstjóra falið að auglýsa stöðu skólastjóra grunnskólans.

 

 

Fleira ekki gert. Fundi slitið kl.19:50.

 

GrindavÝk.is fˇtur