Bæjarstjórn Grindavíkur samþykkti þann 28. febrúar 2017 að auglýsa tillögur á deiliskipulagi ásamt umhverfisskýrslu skv. 41. gr. skipulagslaga nr. 123/2010 fyrir miðbæ Grindavíkur. Skipulagssvæðið er um 4,6 ha að stærð, nær frá Gerðavöllum í norðri og niður fyrir lóð Víkurbrautar 56 í suðri. Í austri nær svæði yfir lóð kirkjunnar og fylgir svo Stamphólsvegi að Gerðavöllum. Í vestri er markar Víkurbrautin svæðið, lóð Víkurbrautar 31 er hluti af deiliskipulagssvæðinu. Innan þess svæðis er í gildi deiliskipulag fyrir Festi og mun það falla úr gildi. Tillagan hefur tekið breytingum síðan hún var auglýst á árunum 2012 og 2013 og eru hagsmunaaðilar hvattir til að kynna sér tillöguna og gera athugasemdir á ný. Skipulagslýsing fyrir tillöguna var auglýst 14. nóvember 2011
Megininntak deiliskipulagstillögunnar er að skapa umgjörð um lifandi miðbæ í Grindavík með blandaðri starfsemi; verslun, þjónusta og íbúðir. Lögð er áhersla að uppbygging falli vel að því byggðamynstri sem fyrir er. Einnig er lögð áhersla á að auka umferðaröryggi í miðbænum, draga úr umferðarhraða og gera gangandi og hjólandi vegfarendum hærra undir höfði. Gerðar eru breytingar á gatnamótum Víkurbrautar og Ránargötu þannig að umferðinni sé beint niður að höfn.
Deiliskipulagstillagan er til sýnis á skrifstofu Grindavíkurbæjar Víkurbraut 62, 2. hæð frá kl: 9 - 18 alla virka daga og á heimasíðu bæjarins. Tillögurnar eru í kynningu frá og með 6. mars 2017 til og með 19. apríl 2017. Þeir sem telja sig eiga hagsmuna að gæta er gefinn kostur á að gera athugasemdir við tillögurnar. Athugasemdir og ábendingar skulu vera skriflegar og þurfa að berast frá og með 6. mars 2017 og eigi síðar en kl. 10:00 mánudaginn 20. apríl 2016 annað hvort á bæjarskrifstofu Grindavíkur, Víkurbraut 62 eða á netfangið: armann@grindavik.is.
Þeir sem ekki gera athugasemdir innan tilskilins frests, teljast samþykkir tillögunni.
Fh. Grindavíkurbæjar
Ármann Halldórsson
Sviðsstjóri skipulags- og umhverfissviðs
armann@grindavik.is
Fylgiskjöl:
Deiliskipulag Grindavíkur - greinagerð
Miðbær Grindavíkur - deiliskipulagsuppdráttur
Miðbær Grindavíkur - skýringauppdráttur