1436. fundur Bæjarráðs Grindavíkur haldinn í bæjarstjórnarsal, þriðjudaginn 21. febrúar 2017 og hófst hann kl. 17:00.

Fundinn sátu:
Hjálmar Hallgrímsson formaður, Kristín María Birgisdóttir varaformaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi, Jón Þórisson sviðsstjóri fjármála- og stjórnsýslusviðs og Fannar Jónasson bæjarstjóri.

Fundargerð ritaði: Jón Þórisson, sviðsstjóri fjármála- og stjórnsýslusviðs.

Dagskrá:

1. 1701097 - Ísland ljóstengt 2017: styrkur 2017
Sviðsstjóri skipulags- og umhverfissviðs sat fundinn undir þessum lið og kynnti hann málið.

Drög að samningi um styrk til Grindavíkurbæjar lögð fram. Grindavíkurbær hefur fengið 10.000.000 kr. styrk til verkefnisins úr Fjarskiptasjóði.

Bæjarráð felur bæjarstjóra að skrifa undir samninginn.

2. 1702070 - Beiðni um umsögn: Körfuknattleiksdeild UMFG
Körfuknattleiksdeild sækir um tækifærisleyfi vegna Kvennakvölds í Gjánni þann 4. mars 2017. Fyrir liggur að byggingafulltrúi gerir ekki athugasemdir með veitingu leyfisins.

Bæjarráð mælir með veitingu leyfisins.

3. 1702069 - Beiðni um umsögn: Lionsklúbbur Grindavíkur, tækifærisleyfi
Lionsklúbbur Grindavíkur sækir um tækifærisleyfi vegna fjáröflunarkvölds í íþróttahúsinu þann 10. mars 2017. Fyrir liggur að byggingafulltrúi gerir ekki athugasemdir með veitingu leyfisins.

Bæjarráð mælir með veitingu leyfisins.

4. 1702088 - Landsþing 2017: Landsþingsfulltrúar
Bréf frá Sambandi íslenskra sveitarfélaga vegna XXXI. landsþings Sambandsins þann 24. mars nk. lagt fram.

Frá Grindavíkurbæ munu Hjálmar Hallgrímsson, formaður bæjarráðs, Marta Sigurðardóttir, bæjarfulltrúi og Fannar Jónasson, bæjarstjóri, mæta á landsþingið.

5. 1612030 - Viðbygging við fjölnota íþróttahús og stúku
Minnisblað vegna fundar þann 20.02.2017 lagt fram.

Bæjarráð Grindavíkur samþykkir að veita knattspyrnudeild UMFG 3 milljónir króna vegna uppbyggingar við Hópið en það hefur verið á undanþágu frá upphafi vegna skorts á salernisaðstöðu. Fyrirhugað er að byggja upp salernisaðstöðu, veitingaaðstöðu og skiptiklefa vegna starfseminnar. Fjárhagsáætlun Grindavíkurbæjar gerði ráð fyrir 3 milljónum í undirbúningsvinnu vegna verkefnisins árið 2016. Verkefnið hefur verið á áætlunum Grindvíkurbæjar frá árinu 2012. Á árinu 2017 var ráðgert að framkvæma fyrir 55 milljónir við Hópið. Þessar 3 milljónir verða notaðar til hönnunarvinnu mannvirkisins ásamt gerð kostnaðaráætlunar.

Fleira ekki gert. Fundi slitið kl. 18:40.

• Síðast uppfært: 22. febrúar 2017