Heilsuvöruhús Codlands rís á Reykjanesi - fjárfesting upp á milljarđ

  • Fréttir
  • 24.01.2017
Heilsuvöruhús Codlands rís á Reykjanesi - fjárfesting upp á milljarđ

Grindvíska frumkvöðlafyrirtækið Codland ehf. hefur samið við fjögur stærstu útgerðarfyrirtæki landsins, HB Granda, Samherja, Vísi og Þorbjörn, um uppbyggingu og reksturs á svokölluðu heilsuvöruhúsi á Reykjanesi. Verður þar unnið úr aukaafurðum sem falla til við fiskvinnslu og er þetta liður í því að fullnýta hráefnið og auka þannig verðmæti íslenskra sjávarafurða til muna. Stefnt er að fyrstu skóflustungu í vor og að verksmiðjan taki til starfa snemma árs 2018.

Vísir greindi nánar frá: 

„Frumkvöðlafyrirtækið Codland ehf. og fjögur af stærstu útgerðarfyrirtækjum landsins munu byggja og reka verksmiðju á Reykjanesi sem nýtir hráefni frá sjávarútvegi sem annars nýtist illa eða ekki hérlendis. Viljayfirlýsing liggur fyrir um svokallað Heilsuvöruhús á Reykjanesi þar sem þróun og framleiðsla fer fram. Heildarkostnaður verkefnisins er áætlaður um einn milljarður íslenskra króna.

Í fyrstu er reiknað með að aðalframleiðsluvara Heilsuvöruhúss verði kollagen-prótein unnið úr fiskroði. Afurðin verður meðal annars notuð í heilsufæði, fæðubótarefni, snyrtivörur og lyf. Nýtt verður orka frá Reykjanesvirkjun enda verður verksmiðjan sett upp í næsta nágrenni við virkjunina, ef áætlanir ganga eftir.

Heilsuvöruhús er í eigu HB Granda, Samherja og fyrirtækjanna Vísis og Þorbjarnar í Grindavík sem eiga Codland. Áætlað er að Heilsuvöruhúsið taki til starfa í byrjun árs 2018, en fyrsta skóflustungan verði tekin á vormánuðum.

Með þátttöku fjögurra öflugra sjávarútvegsfyrirtækja er hráefnisöflun Heilsuvöruhússins tryggð, segir Tómas Þór Eiríksson, framkvæmdastjóri Codlands. „Við munum vinna úr fjögur þúsund tonnum af fiskroði á ári sem gefur okkur 400 tonn af kollageni. Slíkt magn nýtist ekki innanlands og mikið er því ætlað til útflutnings, en möguleikar til nýtingar hér innanlands eru fjölþættir í framtíðinni."

Eins og Fréttablaðið greindi frá á sínum tíma voru fyrstu skref þessa verkefnis tekin árið 2012 í samstarfi Íslenska sjávarklasans og Collagen ehf., sem hóf þá samstarf við fyrirtæki á Spáni við að vinna kollagen úr fiskroði. Þá strax var stefnt á að reisa verksmiðju á Reykjanesi á vegum Codlands, svo Heilsuvöruhús er í raun lyktir þess samstarfsverkefnis Sjávarklasans og Collagen.

Heilsuvöruhús krefst ekki margra starfsmanna, heldur skapast hátæknistörf og þróun fullvinnslu í sjávarútvegi á Íslandi tekur stórt skref um leið. Hröð þróun hefur orðið í framleiðsluaðferðum kollagens á síðustu árum og eftirspurn eftir vistvænum afurðum á þessu sviði hefur aukist jafnt og þétt um allan heim.

„Þau fyrirtæki sem sameinast um þetta telja að hægt sé að samnýta þá sérþekkingu sem þarna er til staðar og skapa verðmæti sem skila aðgangi að nýjum mörkuðum," segir Tómas Þór. „Við erum mjög spennt fyrir að þróa okkar eigin vörur, eins og drykkinn okkar Alda Iceland. Við gerðum auk þess samstarfssamning við Mjólkursamsöluna um að kanna hvernig kollagen blandast við mysupróteinið þeirra.“

 

Deildu ţessari frétt

AĐRAR FRÉTTIR

Fréttir / 10. ágúst 2018

Atvinna - Matráđur í Miđgarđi

Bókasafnsfréttir / 9. ágúst 2018

Sumarlestur bókasafnsins endar brátt

Fréttir / 4. ágúst 2018

Sundlaugin opin á mánudaginn

Bókasafnsfréttir / 2. ágúst 2018

Bókasafniđ lokađ á morgun

Fréttir / 30. júlí 2018

Frćđsluganga viđ Ţorbjörn á morgun

Íţróttafréttir / 25. júlí 2018

Grindavík tapađi 0-2 heima gegn Blikum

Íţróttafréttir / 24. júlí 2018

Ađalfundur Pílufélags Grindavíkur verđur 31. júlí

Fréttir / 23. júlí 2018

Matseđill vikunnar í Víđihlíđ

Fréttir / 19. júlí 2018

Atvinna - Félagsmiđstöđin Ţruman

Nýjustu fréttir 11

Atvinna - Stuđningsfulltrúi

  • Grunnskólafréttir
  • 11. ágúst 2018

Atvinna - Starfsfólk í Heimaţjónustu

  • Fréttir
  • 9. ágúst 2018

Opiđ Sviđ í 37. sinn í Grindavík

  • Fréttir
  • 30. júlí 2018

Sophie O'Rourke í Grindavík

  • Íţróttafréttir
  • 25. júlí 2018