Berta Dröfn safnar fyrir tónleikum í Salnum á morgun
Berta Dröfn safnar fyrir tónleikum í Salnum á morgun

Söngkonan Berta Dröfn Ómarsdóttir er nýútskrifuð úr tónlistarháskóla á Ítalíu og safnar nú fyrir einsöngstónleikum sem hún ætlar að halda í Salnum í Kópavogi á Karolina Fund. Það vill svo skemmtilega til að Berta hóf sinn söngferil hér í Grindavík í barnakór Grindavíkurkirkju, en Berta er dóttir Jónu Kristínar Þorvaldsdóttur sem var sóknarprestur í Grindavíkurkirkju um árabil. Tónleikarnar eru annað kvöld, fimmtudaginn 5. janúar, kl. 20:00

Kjarninn fjallaði um fyrirhugaða tónleika Bertu í gær:

Áramótaheitið var að læra söng - safnar fyrir tónleikum

Berta Dröfn setti sér áramótaheit fyrir sex árum um að læra söng af fullum krafti. Nú er hún útskrifuð með hæstu einkunn úr meistarnámi á Ítalíu, og safnar fyrir einsöngstónleikum á Karolina fund.

Berta Dröfn er klass­ísk söng­kona, nýút­skrifuð frá tón­list­ar­há­skóla á Ítal­íu. Hún útskrif­að­ist með hæstu ein­kunn eftir tveggja ára masters­nám í ljóða- og órator­íu­söng frá Conservatorio Monteverdi í Bolza­no. Til að halda uppá góðan náms­ár­angur mun Berta standa fyrir ein­söngs­tón­leikum í Salnum í Kópa­vogi, 5. jan­ú­ar. Með henni á tón­leik­unum er Sig­urður Helgi Odds­son píanó­leik­ari og Nandll­ely Aguilar Peña fiðlu­leik­ari.

Hvenær byrj­aðir þú að syngja?
Ég er ein af þeim sem var og er alltaf syngj­andi. Raula þegar ég er utan við mig, syng hástöfum þegar ég er ein í bílnum og get gleymt mér sönglandi innan um fólk. Ég var 6 ára þegar ég byrj­aði að syngja í barna­kórnum í Grinda­vík og hef verið óstöðv­andi síð­an. Var virk í félags­líf­inu bæði í grunn­skóla og mennta­skóla: tók þátt í nem­enda­sýn­ingum og söngvakeppn­um. Svo hóf ég nám við Söng­skól­ann í Reykja­vík þegar ég var 16 ára og hef verið þar meira og minna síð­an, fyrst sem nem­andi og svo sem starfs­mað­ur.

Hvenær ákvaðstu að leggja fyrir þig söng?
Um ára­mótin 2010/2011 setti ég mér það ára­móta­heit að læra söng af fullum krafti. Áður var söng­ur­inn bara áhuga­mál en ára­móta­heitið hljóm­aði þannig að ég ætl­aði að gefa allt í að verða söng­kona. Ég fann þörf fyrir að syngja, þar af leið­andi var þetta ekki lengur bara áhuga­mál heldur ástríða. Þetta er eitt af fáum ára­móta­heitum sem ég hef staðið við og sé sko ekki eftir því: að lifa og hrær­ast innan þess­ara mögn­uðu list­greinar eru for­rétt­indi sem ég nýt í botn.

Af hverju varð Ítalía fyrir val­inu og hvaða reynslu færði það þér að læra söng erlend­is?
Árið 2005, flutti ég til Flór­ens á Ítal­íu, til að læra fata­hönn­un. Þar varð ég hrein­lega ást­fangin af landi og þjóð. Ég er mik­ill nautna­seggur - mat­ur, list­ir, lif­andi tón­list og fal­leg nátt­úra er það sem ég sæk­ist mikið í. Þar af leið­andi er skilj­an­legt að ég hafi fallið fyrir Ítal­íu. Þegar kom svo að því að finna stað fyrir áfram­hald­andi nám eftir Burt­far­ar­prófið í söng hérna heima fór ég í könn­un­ar­leið­angur um Ítal­íu. Bolzano varð fyrir val­inu eftir ferð­ina en þar hitti ég söng­kennar­ann minn, Sabinu von Walther, sem er þekkt ljóða­söng­kona.

Það er mikil reynsla að fara í gegnum nám erlend­is. Ég fékk líka mörg tæki­færi til að koma fram, til dæm­is: tók ég þátt í keppni í Scala óper­unni; söng á tón­leikum í höll í Montepulci­ano í Toscana­hér­að­inu; hélt ein­söngs­tón­leika í gömlum kast­ala uppí ítölsku ölp­un­um; tók þátt í óperu-­upp­færslu með sin­fón­íu­hljóm­sveit­inni í Bolza­no; söng ein­söng í glæsi­legum kirkjum í Bolza­no, Merano og Rover­eto. Einnig tók ég virkan þátt í nýlista­hópnum innan skól­ans og kom víða fram með þeim sem ein­söngv­ari.

Hvað er á döf­inni hjá þér í tón­list­inni?
Yfir jólin tók ég virkan þátt í kirkj­unni hjá mömmu, en hún er sókn­ar­prest­ur­inn á Fáskrúðs­firði. Á nýju ári held ég sjálf­stæða tón­leika í Salnum í Kópa­vogi, til að fagna góðu gengi úr nýloknu námi. Tón­leik­arnir verða 5. jan­úar og þeir sem vilja styrkja mig til tón­leika­halds eða nálg­ast miða er bent á söfn­un­ar­síð­una á Karol­ina fund.

Í lok jan­úar fer ég aftur til Bolza­no, til að syngja í messu eftir Moz­art. Eftir það bíða mín fleiri ævin­týri á Ítal­íu, í Barcelona og í New York.

Ég er nýút­skrifuð og er enn að móta minn söng­feril - en þetta byrjar vel og ég er hrika­lega spennt fyrir fram­hald­inu. Á þessum tíma­mótum í mínu lífi er ég fyrst og fremst stolt yfir því að hafa fylgt hjart­anu. Ég hef farið „óhefð­bundna" leið og þar af leið­andi átt hrika­lega skemmti­legt líf - og það er rétt að byrja!

 

Nýlegar fréttir

mán. 26. jún. 2017    Stuđningsfjölskyldur óskast
mán. 26. jún. 2017    Vinnuskóli Codland 2017 - Fyrir 8. og 9. bekk
mán. 26. jún. 2017    Grindavík sćkir Kópavoginn heim í kvöld
mán. 26. jún. 2017    Grindavík í 4-liđa úrslit Borgunarbikarsins
mán. 26. jún. 2017    Leikjanámskeiđ 2 - dagskrá
fös. 23. jún. 2017    Bikarslagur á Grindavíkurvelli í kvöld
fös. 23. jún. 2017    Hafţór Júlíus sterkasti mađur á Íslandi enn eitt áriđ
fös. 23. jún. 2017    Ingibjörg Sigurđardóttir í lokahópnum fyrir EM
fös. 23. jún. 2017    Sumarreiđnámskeiđ hefjast á mánudaginn
fim. 22. jún. 2017    Jónsmessuganga Bláa Lónsins og Grindavíkurbćjar á laugardaginn
fim. 22. jún. 2017    Atvinna - Rćstingar á leikskólanum Laut
fim. 22. jún. 2017    Atvinna - Íbúđakjarni viđ Túngötu 15-17
fim. 22. jún. 2017    Matseđill nćstu viku í Víđihlíđ - síđasti matseđill fyrir sumarfrí
miđ. 21. jún. 2017    Tvö öflug liđ frá Grindavík í WOW Cyclothon
miđ. 21. jún. 2017    Íslandsmet í ísbađi á Sjóaranum síkáta
miđ. 21. jún. 2017    Vel heppnađ unglingahjólreiđamót á Sjóaranum síkáta
miđ. 21. jún. 2017    Enn bíđa stelpurnar eftir nćstu stigum í Pepsi-deildinni
ţri. 20. jún. 2017    Sköpun og gleđi í Grindavík - skráning stendur yfir
ţri. 20. jún. 2017    Lokađ fyrir heitavatniđ viđ Austurveg á morgun
ţri. 20. jún. 2017    Söguratleikur Sjóarans síkáta stendur fram ađ Jónsmessu
ţri. 20. jún. 2017    Grindavík tekur á móti Blikum í kvöld
ţri. 20. jún. 2017    Blóđbankabíllinn í Grindavík til kl. 17:00
ţri. 20. jún. 2017    Hrund Skúladóttir í Njarđvík
mán. 19. jún. 2017    30 nemendur útskrifađir af Króki
mán. 19. jún. 2017    Grindavík lagđi ÍBV örugglega
Grindavík.is fótur