Þann 25. nóvember árið 2015 var upptaka af bæjarstjórnarfundi í Grindavík í fyrsta sinn sett á netið, en fundurinn fór fram daginn áður og var tekinn upp. Næsti fundur var svo sendur beint út í gegnum Youtube-rás Grindavíkurbæjar og hafa allir fundir verið sendir beint út síðan. Síðastliðinn þriðjudag fagnaði útsendingin því árs afmæli, og héldum við uppá hana með því að senda hljóðlaust út í 14 mínútur rúmar.
Þegar þetta verkefni fór af stað var svo sem ekki markmiðið að slá nein vinsældarmet í áhorfstölum heldur fyrst og fremst að auka upplýsingaþjónustu fyrir bæjarbúa og stuðla að gegnsærri og opinni stjórnsýslu. Áhorfið hefur engu að síður verið mjög gott og augljóst að þessi þjónusta mælist vel fyrir.
Hægt er að horfa á síðasta fund hér að neðan:
Dagskrá fundarins má skoða hér
Allir fundir frá upphafi eru á playlista hér