Opið svið verður á Bryggjunni í Grindavík föstudaginn 2. desember kl.21:30. Þetta verður hvorki meira né minna en í 26. sinn sem opið svið er haldið en þessi viðburður hefur notið fádæma vinsælda. Frítt er inn eins og alltaf og allir hjartanlega velkomnir.
Að vanda ætla þeir Halldór Lárusson trommuleikari, Ólafur Þór Ólafsson gítarleikari og Þorgils Björgvinsson alltmöguleikari að leika allt mögulegt og ómögulegt og er gestum velkomið að taka þátt, syngja, leika, dansa, spjalla og leysa lífsins vanda.