57. fundur Frístunda- og menningarnefndar haldinn í bæjarstjórnarsal, miðvikudaginn 2. nóvember 2016 og hófst hann kl. 17:00.
Fundinn sátu:
Atli Geir Júlíusson aðalmaður, Sigurður Enoksson aðalmaður, Þórunn Alda Gylfadóttir formaður, Anita Björk Sveinsdóttir aðalmaður, Þorsteinn Gunnarsson embættismaður og Anton Kristinn Guðmundsson varamaður. Einnig sat Björg Erlingsdóttir nýr sviðsstjóri fundinn.
Fundargerð ritaði: Þorsteinn Gunnarsson, Sviðsstjóri frístunda- og menningarsviðs.
Dagskrá:
1. 1610020 - Ráðning: sviðsstjóra frístunda- og menningarsviðs
Björg Erlingsdóttir hefur verið ráðin nýr sviðsstjóri frístunda- og menningarsviðs. Hún tekur formlega til starfa 1. desember. Frístunda- og menningarnefnd býður hana velkomna til starfa.
2. 1606072 - Fjárhagsáætlun 2017-2020: Grindavíkurbær og stofnanir
Endurskoðuð fjárhagsáætlun frístunda- og menningarsviðs 2017 lögð fram. Nefndin samþykkir áætlunina.
3. 1610069 - Frístunda- og menningarsvið: Menningarvika 2017
Ýmsar hugmyndir ræddar um Menningarvikuna 2017 sem fram fer 11.-19. mars n.k. Almennur undirbúnings- og kynningarfundur verður haldinn í desember.
4. 1610010 - Fimleikadeild UMFG: Beiðni um styrk
Erindi frá fimleikadeildinni um styrk frá Grindavíkurbæ til þess að greiða æfingagjöld fyrir iðkendur fimleikadeildarinnar í húsnæði Fimleikaakademíu Keflavíkur. Nefndin hafnar erindinu.
5. 1610059 - Grindavíkurbær: Heilsueflandi samfélag
Kynning á verkefninu Heilsueflandi samfélag sem er á vegum Embættis landlæknis. Heilsueflandi samfélag miðar að því að þróa samfélagslegan ramma utan um markvissa og heildræna heilsueflingu allra aldurshópa. Í þeim tilgangi eru lagðir til grundvallar fjórir áhrifaþættir heilbrigðis sem unnið er með, það er næring, hreyfing, geðrækt og lífsgæði. Nefndin samþykkir að Grindavíkurbær sæki um aðild og verði heilsueflandi samfélag og að forvarnarteymi Grindavíkurbæjar verði stýrihópur verkefnisins.
6. 1610070 - Friðarganga: 2016
Drög að verkefnisáætlun lögð fram.
7. 1609003 - UMFG: Þjónustukönnun 2016
Í framhaldi af þjónustukönnun UMFG í haust um barna- og unglingastarf var boðað til opins fundar þar sem niðurstöðurnar voru kynntar og umræður voru á borðum um hvernig bæta mætti samstarf innan UMFG. Farið yfir helstu niðurstöður af fundinum. Stjórn UMFG falið að fylgja þeim eftir í samráði við sviðsstjóra.
8. 1610071 - Íþróttamaður og íþróttakona ársins: 2016
Lögð fram verkefnisáætlun fyrir kjör íþróttamanns og íþróttakonu ársins 2016. Hátíðin fer fram að vanda á gamlársdag í Gjánni.
9. 1501142 - Forvarnarteymi: Fundargerðir
Fundargerðin lögð fram.
10. 1602175 - Samsuð: Fundargerðir
Fundargerðin lögð fram.
Fleira ekki gert. Fundi slitið kl. 18:00.