Minni-Ţruman fyrir 5.-7. bekk

  • Fréttir frá Ţrumunni
  • 14. september 2016
Minni-Ţruman fyrir 5.-7. bekk

Fyrsta opnun vetrarins hjá Minni-Þrumunni var miðvikudaginn 7. sept. síðastliðinn. Minni-Þruman er fyrir alla krakka á aldrinum 10-12 ára. Skipulögð dagskrá verður á miðvikudögum frá kl. 18.00-19.30 og opið hús á fimmtudögum frá kl. 13.30-15.00. Í dag, miðvikudaginn 14. september, er Þruman aðeins opin fyrir 5. bekk. Miðvikudaginn 21. september fær svo 6. bekkur aðeins að mæta og svo 28. september kemur 7. bekkur. Ástæðan fyrir þessum bekkjaropnunum er til þess að starfsmenn Þrumunnar nái að kynnast hverjum árgangi fyrir sig vel fyrir veturinn. 

Í ár ætlum við að fara nýjar leiðir og prufa að hafa Minni-Þrumuráð. Því stendur öllum krökkum í 5.-7. bekk til boða að bjóða sig fram í ráðið á þessum bekkjaropnunum. Dregið verður úr umsóknum og komast tveir að úr 5. bekk, tveir úr 6. bekk og þrír úr 7. bekk. Ráðið mun funda 1-2 í mánuði, skipuleggja mánaðardagskrá og sjá um að auglýsa viðburði.

Deildu ţessari frétt