Bjarmi Hreinsson hefur nú hafið störf við Tónlistarskólann í Grindavík.
Hann kennir á píanó og sérhæfir sig í rytmískri píanókennslu. Bjarmi lauk framhaldsprófi í píanóleik frá Tónlistarskóla Fljótdalshéraðs árið 2013. Fyrr á þessu ári lauk hann svo B.A. prófi í skapandi tónlistarmiðlun frá Listaháskóla Íslands. Bjarmi hefur sungið með Kammerkór Egilsstaðarkirkju, Hljómeyki, Kór Listaháskóla Íslands og Dómkórnum. Auk þess að syngja og spila á píanó spilar Bjarmi einnig á harmonikku, en hann hefur unnið að því, í listhópum Hins hússins, að efla álit almennings á harmonikku.
Við hlökkum til komandi vetrar og bjóðum Bjarma velkominn til starfa.