null
1415. fundur Bæjarráðs Grindavíkur haldinn í bæjarstjórnarsal, fimmtudaginn 4. ágúst 2016 og hófst hann kl. 17:00.
Fundinn sátu:
Hjálmar Hallgrímsson formaður, Kristín María Birgisdóttir varaformaður, Marta Sigurðardóttir áheyrnarfulltrúi, Róbert Ragnarsson bæjarstjóri, Jón Þórisson sviðsstjóri fjármála- og stjórnsýslusviðs og Páll Jóhann Pálsson varamaður.
Fundargerð ritaði: Róbert Ragnarsson, bæjarstjóri.
Dagskrá:
1. 1511006 - Fasteignir bæjarsins: Nýtt húsnæði fyrir bókasafn og tónlistarskóla - framhaldsmál
Verksamningur lagður fram.
Bæjarráð felur bæjarstjóra að undirrita samninginn.
2. 1607015 - Minja-og sögufélag Grindavíkur: Verndarsvæði í byggð
Bæjarráð felur bæjarstjóra og sviðsstjóra skipulags- og umhverfissviðs að vinna umsókn um styrk í Húsafriðunarsjóð til að undirbúa tillögur að verndarsvæði í byggð.
3. 1607026 - Íbúðalánasjóður: Framkvæmd nýrra laga um almennar íbúðir
Bréf frá Íbúðalánasjóði um framkvæmd nýrra laga um almennar íbúðir lagt fram.
Bæjarráð vísar erindinu til umfjöllunar í starfshópi um uppbyggingu íbúða í Víðihlíð og felur bæjarstjóra að gera drög að auglýsingu eftir aðilum sem hafa áhuga á að taka þátt í stofnun húsnæðissjálfseignarstofnunar um almennar leiguíbúðir í Grindavík.
4. 1606123 - Kvikan: ársreikningur 2015
Ársreikningur ársins 2015 lagður fram til kynningar.
5. 1607028 - Viktoría Róbertsdóttir: Umsókn um launalaust leyfi
Viktoría Róbertsdóttir starfsmaður á Bókasafni Grindavíkur sækir um launalaust leyfi í eitt ár til að taka við starfi grunnskólakennara við Grunnskóla Grindavíkur.
Bæjarráð samþykkir beiðnina.
6. 1506029 - Fasteignagjöld 2016
Jón Þórisson sviðsstjóri fjármála- og stjórnsýslusvið kynnti samanburð Byggðastofnunar á fasteignagjöldum árið 2016, á 27 þéttbýlisstöðum.
Samanburðurinn leiðir í ljós að fasteignagjöld í Grindavík eru með þeim lægstu á landinu. Samanburður við þéttbýlisstaði sem eru með sambærilegt fasteignamat og Grindavík sýnir að fasteignagjöld eru lægst í Grindavík í þeim hópi.
7. 1607011 - Fasteignagjöld 2017
Jón Þórisson sviðsstjóri fjármála- og stjórnsýslusvið kynnti áætlun fasteignagjalda fyrir árið 2017 miðað við nýtt fasteignamat og óbreyttar álagningarforsendur.
8. 1602002 - Fundargerðir: Samband sveitarfélaga á Suðurnesjum 2016
Fundargerð 704. fundar lögð fram til kynningar.
9. 1601073 - Fundargerðir: Sorpeyðingarstöð Suðurnesja 2016
Fundargerð fundar 470 lögð fram til kynningar.
Fleira ekki gert. Fundi slitið kl. 18:30.